Athenaeus, The Deipnosophists, Book 7, book 7, chapter 48

(아테나이오스, The Deipnosophists, Book 7, book 7, chapter 48)

κατεποντώθη, ἣν Ηἐλίῳ φαέθοντι ἐν μακάρων νήσοισι λιτὴ φύει εἰάρι γαίη· ἠέλιοσ δ’ ἵπποισ θυμήρεα δόρπον ὀπάζει ὕλην αἰενάουσαν, ἵνα δρόμον ἐκτελέσωσιν ἄτρυτοι, καὶ μὴ τιν’ ἕλοι μεσσηγὺσ ἀνίη. Αἰσχρίων δ’ ὁ Σάμιοσ ἔν τινι τῶν ἰάμβων Ὕδνησ φησὶ τῆσ Σκύλλου τοῦ Σκιωναίου κατακολυμβητοῦ θυγατρὸσ τὸν θαλάσσιον Γλαῦκον ἐρασθῆναι. ἰδίωσ δὲ καὶ περὶ τῆσ βοτάνησ λέγει, ἣν φαγὼν ἀθάνατοσ ἐγένετο καὶ θεῶν ἄγρωστιν εὑρ͂εσ, ἣν Κρόνοσ κατέσπειρε. Νίκανδροσ δ’ ἐν τρίτῳ Εὐρωπίασ Νηρέωσ ἐρώμενον τὸν Γλαῦκον ἱστορεῖ γενέσθαι, ὁ δ’ αὐτὸσ Νίκανδροσ ἐν πρώτῳ Αἰτωλικῶν τὴν μαντικήν φησιν Ἀπόλλωνα ὑπὸ Γλαύκου διδαχθῆναι· θηρῶντα δὲ περὶ τὴν Ὀρείην ὄροσ δὲ τοῦθ’ ὑπάρχειν ὑψηλὸν ἐν Αἰτωλίᾳ λαγὼν θηρᾶσαι, ὃν λιποθυμοῦντα ὑπὸ τῆσ διώξεωσ ἀπαγαγεῖν ἐπὶ κρήνῃ τινὶ καὶ τῇ παρακειμένῃ πόᾳ ἤδη ἀποψυχόμενον ἀπομάσσειν. ἀναζωπυρήσαντοσ δὲ τοῦ λαγὼ τῇ βοτάνῃ ἐπιγνόντα τῆσ βοτάνησ τὴν δύναμιν ἀπογεύσασθαι καὶ ἔνθεον γενόμενον ἐπιγενομένου χειμῶνοσ κατὰ Διὸσ βούλησιν εἰσ τὴν θάλασσαν αὑτὸν ἐκρῖψαι.

Ἡδύλοσ δ’ ὁ Σάμιοσ ἢ Ἀθηναῖοσ Μελικέρτου φησὶν ἐρασθέντα τὸν Γλαῦκον ἑαυτὸν ῥῖψαι εἰσ τὴν θάλατταν. ἀκτὴν γὰρ κείνην ἀπενήχετο καὶ τὰ σύνεγγυσ Αἴτνησ.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION