Athenaeus, The Deipnosophists, Book 7, book 7, chapter 45

(아테나이오스, The Deipnosophists, Book 7, book 7, chapter 45)

Γλαῦκοσ. Ἐπίχαρμοσ ἐν Ἥβασ γάμῳ· σκορπίοι τε ποικίλοι σαῦροί τε, γλαῦκοι πίονεσ. Νουμήνιοσ ἐν Ἁλιευτικῷ· ὕκην ἢ κάλλιχθυν, ὁτὲ χρόμιν, ἄλλοτε δ’ ὀρφὸν ἢ γλαῦκον περόωντα κατὰ μνία σιγαλόεντα. τὴν δὲ τοῦ γλαύκου κεφαλὴν ἐπαινῶν ὁ Ἀρχέστρατόσ φησιν ἀλλά μοι ὀψώνει γλαύκου κεφαλὴν ἐν Ὀλύνθῳ καὶ Μεγάροισ· σεμνῆσ γὰρ ἁλίσκεται ἐν τενάγει γῆσ. καὶ Ἀντιφάνησ δ’ ἐν Προβατεῖ φησιν Βοιώτιαι μὲν ἐγχέλεισ, μῦσ Ποντικοί, θύννοι γλαῦκοι Μεγαρικοί, μαινίδεσ Καρύστιαι, φάγροι δ’ Ἐρετρικοί, Σκύριοι δὲ κάραβοι. ὁ δ’ αὐτὸσ ἐν Φιλώτιδι καὶ ταῦτα λέγει·

οὐκοῦν τὸ μὲν γλαυκίδιον, ὥσπερ ἄλλοτε, ἕψειν ἐν ἅλμῃ φημί. Β. τὸ δὲ λαβράκιον; α. ὀπτᾶν ὅλον. β. τὸν γαλεόν; α. ἐν ὑποτρίμματι ζέσαι. Β. τὸ δὲ ἐγχέλειον; α. ἅλεσ, ὀρίγανον. ὕδωρ. β. ὁ γόγγροσ; α. ταὐτόν. β. ἡ βατίσ; α. χλόη. β. πρόσεστι θύννου τέμαχοσ. α. ὀπτήσεισ. β. κρέασ ἐρίφειον; α. ὀπτόν. β. θάτερον; α. τἀναντία. β. ὁ σπλήν; α. σεσάχθω. β. νῆστισ;

상위

The Deipnosophists, Book 7

목록

SEARCH

MENU NAVIGATION