호흡부호 보기
강세부호 보기
장단부호 보기
작은 Iota 보기
모든 부호 보기
Ἀρχέστρατοσ δὲ ὁ τὸν αὐτὸν Σαρδαναπάλλῳ ζηλώσασ βίον περὶ τοῦ ἐν Ῥόδῳ γαλεοῦ λέγων τὸν αὐτὸν εἶναι ἡγεῖται τῷ παρὰ Ῥωμαίοισ μετ’ αὐλῶν καὶ στεφάνων εἰσ τὰ δεῖπνα περιφερομένῳ ἐστεφανωμένων καὶ τῶν φερόντων αὐτὸν καλούμενόν τε ἀκκιπήσιον. ἀλλ’ οὗτοσ μὲν μικρὸσ καὶ μακρορυγχότερόσ ἐστι καὶ τῷ σχήματι τρίγωνοσ ἐκείνων μᾶλλον τούτων δ’ ὁ εὐτελέστατοσ καὶ μικρότατοσ οὐχ ἧττον Ἀττικῶν χιλίων πιπράσκεται. Ἀπίων δ’ ὁ γραμματικὸσ ἐν τῷ περὶ τῆσ Ἀπικίου τρυφῆσ τὸν ἔλοπα καλούμενον τοῦτόν φησιν εἶναι τὸν ἀκκιπήσιον. ἀλλ’ ὅ γε Ἀρχέστρατοσ περὶ τοῦ Ῥοδιακοῦ γαλεοῦ λέγων τοῖσ ἑταίροισ πατρικῶσ πωσ συμβουλεύων φησίν· ἐν δὲ Ῥόδῳ γαλεὸν τὸν ἀλώπεκα·
κἂν ἀποθνῄσκειν μέλλῃσ, ἂν μή σοι πωλεῖν θέλῃ, ἁρ́πασον αὐτόν· ὃν καλέουσι Συρακόσιοι κύνα πίονα· κᾆτα ὕστερον ἤδη πάσχ’ ὅτι σοι πεπρωμένον ἐστίν. τούτων τῶν ἐπῶν μνησθεὶσ καὶ Λυγκεὺσ ὁ Σάμιοσ ἐν τῇ πρὸσ Διαγόραν ἐπιστολῇ φησιν καὶ δικαίωσ παρακελεύεσθαι τὸν ποιητὴν τῷ μὴ δυναμένῳ τιμὴν ἀριθμῆσαι ἀδικίᾳ κτήσασθαι τὴν ἐπιθυμίαν. καὶ γὰρ τὸν Θησέα, φησί, γεγονότα καλὸν ὑπολαμβάνω τοῦ Τληπολέμου τὸν ἰχθὺν τοῦτον αὐτῷ παρασχόντοσ παρεσχηκέναι.
Τιμοκλῆσ δ’ ἐν Δακτυλίῳ φησί· γαλεοὺσ καὶ βατίδασ ὅσα τε τῶν γενῶν ἐν ὀξυλιπάρῳ τρίμματι σκευάζεται.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기