Athenaeus, The Deipnosophists, Book 7, book 7, chapter 43

(아테나이오스, The Deipnosophists, Book 7, book 7, chapter 43)

γαλεοί. Ἱκέσιοσ ἐν τοῖσ περὶ ὕλησ τῶν γαλεῶν βελτίονασ εἶναι καὶ ἁπαλωτέρουσ τοὺσ ἀστερίασ καλουμένουσ. Ἀριστοτέλησ δὲ εἴδη αὐτῶν φησιν εἶναι πλείω, ἀκανθίαν, λεῖον, ποικίλον, σκύμνον, ἀλωπεκίαν, ῥίνην. Δωρίων δ’ ἐν τῷ περὶ ἰχθύων τὸν ἀλωπεκίαν μίαν ἔχειν φησὶ λοφιὰν πρὸσ τῷ οὐραίῳ, ἐπὶ δὲ τῆσ ῥάχεωσ οὐδαμῶσ. ὁ δ’ Ἀριστοτέλησ ἐν πέμπτῳ ζῴων μορίων καὶ κεντρίνην φησί τινα γαλεὸν εἶναι καὶ νωτιδανόν. Ἐπαίνετοσ δ’ ἐν Ὀψαρτυτικῷ ἐπινωτιδέα καλεῖ, χείρονα δ’ εἶναι τὸν κεντρίνην καὶ δυσώδη. γνωρίζεσθαι δ’ ἐκ τοῦ πρὸσ τῇ πρώτῃ λοφιᾷ ἔχειν κέντρον τῶν ὁμοειδῶν οὐκ ἐχόντων οὔτε δὲ στέαρ οὔτε πιμελὴν ἔχειν τοὺσ ἰχθῦσ τούτουσ διὰ τὸ χονδρώδεισ εἶναι. ἰδίωσ δὲ ὁ ἀκανθίασ τὴν καρδίαν ἔχει πεντάγωνον.

τίκτει δ’ ὁ γαλεὸσ τὰ πλεῖστα τρία καὶ εἰσδέχεται τὰ γεννηθέντα εἰσ τὸ στόμα καὶ πάλιν ἀφίησιν μάλιστα δ’ ὁ ποικίλοσ καὶ ὁ ἀλωπεκίασ, οἱ δὲ λοιποὶ οὐκ ἔτι διὰ τὴν τραχύτητα.

상위

The Deipnosophists, Book 7

목록

SEARCH

MENU NAVIGATION