Athenaeus, The Deipnosophists, Book 7, book 7, chapter 41

(아테나이오스, The Deipnosophists, Book 7, book 7, chapter 41)

Σωτάδησ δ’, οὐχ ὁ τῶν Ιὠνικῶν ᾀσμάτων ποιητὴσ ὁ Μαρωνίτησ, ἀλλ’ ὁ τῆσ μέσησ κωμῳδίασ, ποιεῖ καὶ αὐτὸσ ἐν Ἐγκλειομέναισ οὕτω γὰρ ἐπιγράφειΣ32 τὸ δρᾶμα τοιάδε μάγειρον λέγοντα· καρῖδασ ἔλαβον πρῶτον· ἀπεταγήνισα ταύτασ ἁπάσασ. γαλεὸσ εἴληπται μέγασ· ὤπτησα τὰ μέσα, τὴν δὲ λοιπὴν γρυμέαν ἕψω ποιήσασ τρῖμμα συκαμίνινον. γλαύκου φέρω κεφάλαια παμμεγέθη δύο, ἐν λοπάδι μεγάλῃ ταῦτα, λιτῶσ προσαγαγὼν χλόην, κύμινον, ἅλασ, ὕδωρ, ἐλᾴδιον. λάβρακα μετὰ ταῦτ’ ἐπριάμην καλὸν σφόδρα· ἔσται δι’ ἅλμησ λιπαρὸσ ἑφθὸσ ἐν χλόῃ, ἀποδοὺσ ὅσ1’ ἐστὶν ἀπ’ ὀβελίσκων ὀπτανά. τρίγλασ καλὰσ ἠγόρασα καὶ κίχλασ καλάσ·

ἔρριψα ταύτασ ἐπὶ τὸν ἄνθραχ’ ὡσ ἔχει ἅλμῃ τε λιπαρᾷ παρατίθημ’ ὀρίγανον. ταύταισ προσέλαβον σηπίασ καὶ τευθίδασ· ἀστεῖον ἑφθή τευθὶσ ὠνθυλευμένη καὶ πτερύγι’ ἁπαλῶσ σηπίασ ὠπτημένα. . τριμμάτιον ᾠκείωσα τούτοισ ἀνθινὸν παντοδαπόν. ἑψήτ’ ἦν δὲ μετὰ ταύτασ τινά· ὀξυλίπαρον τούτοισ ἔδωκα χυμίον. γόγγρον ἐπὶ τούτοισ ἐπριάμην παχὺν σφόδρα·

κατέπνιξ’ ἐν ἅλμῃ τοῦτον εὐανθεστέρᾳ. κωβίδι’ ἄττα καὶ πετραῖα δή τινα ἰχθύδια, τούτων ἀποκνίσασ τὰ κρανία ἐμόλυν’ ἀλεύρῳ αὐτὰ τοιούτῳ τινὶ πέμπω τε ταῖσ καρῖσι τὴν αὐτὴν ὁδόν. ἀμίαν τε χήραν, θηρίον καλὸν σφόδρα, θρίοισι ταύτην ἅλισ ἐλᾳδίῳ διεὶσ ἐσπαργάνωσα περιπάσασ ὀρίγανον ἐνέκρυψὰ θ’ ὥσπερ δαλὸν εἰσ πολλὴν τέφραν. ἀφύην θ’ ἅμ’ αὐτῇ παρέλαβον Φαληρικὴν εἷσ κύαθοσ ἐνταῦθ’ ὕδατοσ ἐπιχυθεὶσ πολύ·

τεμὼν δὲ λεπτὴν τῆσ χλόησ καὶ πλείονα, κἂν ᾖ δικότυλοσ λήκυθοσ, καταστρέφω. τί λοιπόν; οὐδὲν ἄλλο. τοῦτ’ ἐσθ’ ἡ τέχνη, οὐκ ἐξ ἀπογραφῆσ οὐδὲ δι’ ὑπομνημάτων.

상위

The Deipnosophists, Book 7

목록

SEARCH

MENU NAVIGATION