Athenaeus, The Deipnosophists, Book 7, book 7, chapter 40

(아테나이오스, The Deipnosophists, Book 7, book 7, chapter 40)

καὶ παρ’ Ἀρχεδίκῳ δ’ ἐν Θησαυρῷ ἄλλοσ σοφιστὴσ μαγειρίσκοσ τάδε λέγει· πρῶτον ὠμῶν κειμένων τῶν ἰχθύων πάρεισιν οἱ κεκλημένοι. "δίδου κατὰ χειρόσ. "τοὔψον οἰχήσει λαβών. τὰσ λοπάδασ ἐπιθεὶσ ἐπὶ τὸ πῦρ τοὺσ ἄνθρακασ ἔρραν’ ἐλαίῳ πάντα καὶ ποιῶ φλόγα, ἐν ᾧ τὸ λάχανον αἵ τε τῶν παροψίδων τὸν ἄνδρα δριμύτητεσ εὐφραίνουσί μου, ἑφθὸν τὸν ἰχθὺν ἀποδίδωμ’ ἔχοντα τοὺσ χυμοὺσ ἐν αὑτῷ τήν τε τῆσ ἅλμησ ἀκμήν, εἰσ ἣν ἂν ἐμβάψαιτο πᾶσ ἐλεύθεροσ. ἐλᾳδίου κοτύλησ τε παραναλωμένησ σέσωκ’ ἐμοὶ τρίκλινα πεντήκοντ’ ἴσωσ.

Φιλοστέφανοσ δ’ ἐν Δηλίῳ καὶ ὀνόματα ἐνδόξων μαγείρων ἐν τοῖσδε καταλέγει· εἰδώσ σε πάντων διαφέροντα τῇ τέχνῃ τῇ τ’ ὀξύτητι μετὰ Θίβρωνα, Δαίδαλε, τὸν ἐξ Ἀθηνῶν, τὸν καλούμενον Πέρασ, δοὺσ μισθὸν ὃν μ’ ᾔτησασ ἥκω δεῦρ’ ἄγων.

상위

The Deipnosophists, Book 7

목록

SEARCH

MENU NAVIGATION