Athenaeus, The Deipnosophists, Book 7, book 7, chapter 27

(아테나이오스, The Deipnosophists, Book 7, book 7, chapter 27)

Βῶκεσ. "νωτόγραπτα, φησί, λέγεται βῶξ, σκολιόγραπτα δὲ κολίασ. Ἐπίχαρμοσ δ’ ἐν Ἥβασ γάμῳ· ἔτι δὲ πὸτ τούτοισι βῶκεσ, σμαρίδεσ, ἀφύαι, κάμμαροι. Νουμήνιοσ δ’ ἐν Ἁλιευτικῷ βόηκασ αὐτοὺσ καλεῖ ἐν τούτοισ. ἢ λευκὴν συνόδοντα βόηκάσ τε τριγκούσ τε. Σπεύσιπποσ δὲ καὶ οἱ ἄλλοι Ἀττικοὶ βόακασ. Ἀριστοφάνησ Σκηνὰσ καταλαμβανούσαισ· ἀλλ’ ἔχουσα γαστέρα μεστὴν βοάκων ἀπεβάδιζον οἴκαδε.

ὠνομάσθη δὲ παρὰ τὴν βοήν. διὸ καὶ Ἑρμοῦ ἱερὸν εἶναι λόγοσ τὸν ἰχθύν, ὡσ τὸν κίθαρον Ἀπόλλωνοσ. Φερεκράτησ δ’ ἐν Μυρμηκανθρώποισ εἰπών ἀλλὰ φωνὴν οὐκ ἔχειν ἰχθὺν γέ φασι τὸ παράπαν, ἐπιφέρει· νὴ τὼ θεώ, οὐκ ἔστιν ἰχθὺσ ἄλλοσ οὐδεὶσ ἢ βόαξ. Ἀριστοφάνησ δ’ ὁ Βυζάντιοσ κακῶσ φησιν ἡμᾶσ λέγειν τὸν ἰχθὺν βῶκα δέον βόωπα, ἐπεὶ μικρὸσ ὑπάρχων μεγάλουσ ὦπασ ἔχει· εἰή ἂν οὖν ὁ βόωψ βοὸσ ὀφθαλμοὺσ ἔχων.

πρὸσ ὃν λεκτέον, εἰ τοῦτον κακῶσ ὀνομάζομεν, διὰ τί κορακῖνόν φαμεν καὶ οὐ κορακῖνόν; ὠνομάσθη γὰρ ἀπὸ τοῦ τὰσ κόρασ κινεῖν. τί δ’ οὐχὶ καὶ σείουρον λέγομεν, ἀλλὰ σίλουρον; ὠνόμασται γὰρ καὶ οὗτοσ ἀπὸ τοῦ σείειν συνεχῶσ τὴν οὐράν.

상위

The Deipnosophists, Book 7

목록

SEARCH

MENU NAVIGATION