Athenaeus, The Deipnosophists, Book 7, book 7, chapter 26

(아테나이오스, The Deipnosophists, Book 7, book 7, chapter 26)

βατὶσ. Βάτραχοσ. βάτοσ. τῆσ μὲν οὖν βατίδοσ καὶ τοῦ βατράχου μνημονεύει Ἀριστοτέλησ ἐν τοῖσ περὶ ζῴων καταριθμῶν αὐτὰ ἐν τοῖσ σελάχεσιν. Εὔπολισ δ’ ἐν Κόλαξί φησι· παρὰ τῷδε Καλλίᾳ πολλὴ θυμηδία, ἵνα πάρα μὲν κάραβοι καὶ βατίδεσ καὶ λαγῲ καὶ γυναῖκεσ εἱλίποδεσ. καὶ Ἐπίχαρμοσ ἐν Ἥβασ γάμῳ· ἦν δὲ νάρκαι, βατίδεσ, ἦν δὲ καὶ ζύγαιναι, πρήστιεσ, κἀμίαι τε καὶ βάτοι ῥίναι τε τραχυδέρμονεσ. ἐν δὲ Μεγαρίδι· τὰσ πλευρὰσ οἱο͂́ν περ βατίσ, τὰν δ’ ὀπισθίαν ἔχεισ, Θεάγενεσ, οἱο͂́ν περ βάτοσ, τὰν δὲ κεφαλὰν ὀστέων οἱο͂́ν περ ἔλαφοσ, οὐ βατίσ, τὰν δὲ λαπάραν σκορπίοσ παίσαι θαλάττιοσ τεοῦ. Σαννυρίων δ’ ἐν Γέλωτι· ὦ βατίδεσ, ὦ γλαύκων κάρα. Ἀριστοτέλησ δ’ ἐν πέμπτῳ ζῴων μορίων σελάχη φησὶν εἶναι βάτον, τρυγόνα, βοῦν, λάμιαν, αἰετόν, νάρκην, βάτραχον καὶ πάντα τὰ γαλεοειδῆ. , σώφρων δ’ ἐν μίμοισ ἀνδρείοισ βότιν καλεῖ τινα ἰχθὺν ἐν τούτοισ· "κέστραι βότιν κάπτουσαι.

καὶ μήποτε βοτάνην τινὰ λέγει, περὶ δὲ τοῦ βατράχου συμβουλεύει ὁ σοφώτατοσ Ἀρχέστρατοσ ἐν ταῖσ γνώμαισ τάδε· βάτραχον ἔνθ’ ἂν ἴδῃσ, ὀψώνει καὶ γαστρίον αὐτοῦ σκεύασον. . περὶ δὲ τῆσ βατίδοσ· καὶβατίδ’ ἑφθὴν ἔσθε μέσου χειμῶνοσ ἐν ὡρ́ῃ, κἀπ’ αὐτῇ τυρὸν καὶ σίλφιον ἅττα τε σάρκα μὴ πίειραν ἔχῃ πόντου τέκνα, τῷδε τρόπῳ χρὴ σκευάζειν. ἤδη σοὶ ἐγὼ τάδε δεύτερον αὐδῶ.

Ἔφιπποσ δ’ ὁ κωμῳδιοποιὸσ ἐν Φιλύρᾳ δράματι· ἑταίρασ δ’ ὄνομα ἡ Φιλύρα· πότερον ἐγὼ τὴν βατίδα τεμάχη κατατεμὼν ἕψω; τί φήσ; ἢ Σικελικῶσ ὀπτὴν ποιήσω; β. Σικελικῶσ.

상위

The Deipnosophists, Book 7

목록

SEARCH

MENU NAVIGATION