Athenaeus, The Deipnosophists, Book 7, book 7, chapter 23

(아테나이오스, The Deipnosophists, Book 7, book 7, chapter 23)

Κλέαρχοσ δ’ ὁ περιπατητικὸσ ἐν τοῖσ περὶ παροιμιῶν περὶ τῆσ ἀφύησ φησί· "διὰ τὸ μικροῦ δεῖσθαι πυρὸσ ἐν τοῖσ τηγάνοισ οἱ περὶ Ἀρχέστρατον ἐπιβαλόντασ κελεύουσιν ἐπὶ θερμὸν τήγανον σίζουσαν ἀφαιρεῖν ἅμα δ’ ἧπται καὶ σίζει, καθάπερ τοὔλαιον, εὐθύσ, διὸ λέγεται ἴδε πῦρ ἀφύη. "τὴν ἀφύην, φησί, ἐν Ἀθήναισ μὲν διὰ τὴν δαψίλειαν ὑπερορῶσι καὶ πτωχικὸν εἶναί φασιν ὄψον, ἐν ἑτέραισ δὲ πόλεσιν ὑπερθαυμάζουσι πολὺ χείρω γινομένην. "εἶθ’ οἱ μέν, φησίν, ἐνταῦθα τοὺσ Ἀδριατικοὺσ ὄρνιθασ τρέφειν σπεύδουσιν, ἀχρειοτέρουσ ὄντασ ὅτι τῶν παρ’ ἡμῖν πολὺ ἐλάττουσ εἰσὶν ἐκεῖνοι δὲ τἀναντία μεταπέμπονται τοὺσ ἐνθάδε. ἐπὶ τοῦ ἑνικοῦ Ἕρμιπποσ Δημόταισ·

νῦν δ’ οὐδ’ ἀφύην κινεῖν δοκεῖσ. Καλλίασ Κύκλωψιν πρὸσ τῆσ ἀφύησ τῆσ ἡδίστησ. Ἀριστώνυμοσ Ἡλίῳ ῥιγῶντι· ὥστ’ οὔτ’ ἀφύη νῦν ἔστιν ἁπλῶσ. ἀφύδια δὲ Ἀριστοφάνησ Ταγηνισταῖσ· μηδὲ τὰ Φαληρικὰ τὰ μικρὰ τάτάδ’ ἀφύδια.

상위

The Deipnosophists, Book 7

목록

SEARCH

MENU NAVIGATION