Athenaeus, The Deipnosophists, Book 7, book 7, chapter 2

(아테나이오스, The Deipnosophists, Book 7, book 7, chapter 2)

"κατὰ τὸ ὅμοιον, ἔφη, καὶ ἐν Ἀλεξανδρείᾳ τῇ ἐμῇ Λαγυνοφόρια ἑορτή τισ ἤγετο, περὶ ἧσ ἱστορεῖ Ἐρατοσθένησ ἐν τῷ ἐπιγραφομένῳ συγγράμματι Ἀρσινόη, λέγει δὲ οὕτωσ τοῦ Πτολεμαίου κτίζοντοσ ἑορτῶν καὶ θυσιῶν παντοδαπῶν γένη καὶ μάλιστα περὶ τὸν Διόνυσον, ἠρώτησεν Ἀρσινόη τὸν φέροντα τοὺσ θαλλοὺσ τίνα νῦν ἡμέραν ἄγει καὶ τίσ ἐστὶν ἑορτή, τοῦ δ’ εἰπόντοσ καλεῖται μὲν Λαγυνοφόρια, καὶ τὰ κομισθέντα αὑτοῖσ δειπνοῦσι κατακλιθέντεσ ἐπὶ στιβάδων καὶ ἐξ ἰδίασ ἕκαστοσ λαγύνου παρ’ αὑτῶν φέροντεσ πίνουσιν. "ὡσ δ’ οὗτοσ ἀπεχώρησεν, ἐμβλέψασα πρὸσ ἡμᾶσ συνοίκιά γ’, ἔφη, ταῦτα ῥυπαρά. ἀνάγκη γὰρ τὴν σύνοδον γίνεσθαι παμμιγοῦσ ὄχλου, θοίνην ἑώλον καὶ οὐδαμῶσ εὐπρεπῆ παρατιθεμένων. "εἰ δὲ τὸ γένοσ τῆσ ἑορτῆσ ἤρεσκεν, οὐκ ἂν ἐκοπίασε δήπου τὰ αὐτὰ ταῦτα παρασκευάζουσα ἡ βασίλεια καθάπερ ἐν τοῖσ Χουσὶν εὐωχοῦνται μὲν γὰρ κατ’ ἰδίαν, παρέχει δὲ ταῦτα ὁ καλέσασ ἐπὶ τὴν ἑστίασιν. τῶν δὲ παρόντων γραμματικῶν τισ ἀποβλέψασ εἰσ τὴν τοῦ δείπνου παρασκευὴν ἔφη· εἶτα πῶσ δειπνήσομεν τοσαῦτα δεῖπνα; ἴσωσ διὰ νυκτόσ, ὡσ ὁ χαρίεισ Ἀριστοφάνησ ἐν Αἰολοσίκωνι εἶπεν οὕτωσ λέγων οἱονεὶ δι’ ὅλησ νυκτόσ·

ὡσ καὶ τὸ Ὁμηρικὸν ἔχει· κεῖτ’ ἔντοσθ’ ἄντροιο τανυσσάμενοσ διὰ μήλων, ἀντὶ τοῦ διὰ πάντων τῶν μήλων, τὸ μέγεθοσ αὐτοῦ ἐμφανίζων. πρὸσ ὃν ὁ ἰατρὸσ ἔφη Δάφνοσ ὠφελιμώτερά ἐστι, φίλτατοι, παντὶ σώματι τὰ νυκτερινὰ δεῖπνα· τὸ γὰρ τῆσ σελήνησ ἄστρον πρὸσ τὰσ τῆσ τροφῆσ ἁρμόττει πέψεισ σηπτικὸν ὑπάρχον κατὰ σῆψιν δ’ ἡ πέψισ. εὐσηπτότερα γοῦν τὰ νύκτωρ θυόμενα τῶν ἱερείων καὶ τῶν ξύλων τὰ πρὸσ τὸ σελήνιον κοπτόμενα, καὶ τῶν καρπῶν δὲ οἱ πλεῖστοι πρὸσ τὸ σελήνιον πεπαίνονται.

상위

The Deipnosophists, Book 7

목록

SEARCH

MENU NAVIGATION