Athenaeus, The Deipnosophists, Book 5, book 5, chapter 31 1:

(아테나이오스, The Deipnosophists, Book 5, book 5, chapter 31 1:)

εἰπὼν δὲ καὶ ἄλλα πλεῖστα καὶ καταλέξασ ζῴων ἀγέλασ ἐπιφέρει· "πρόβατα Αἰθιοπικὰ ἑκατὸν τριάκοντα, Ἀράβια τριακόσια, Εὐβοικὰ εἴκοσι, καὶ ὁλόλευκοι βόεσ Ἰνδικοὶ εἴκοσι ἕξ, Αἰθιοπικοὶ ὀκτώ, ἄρκτοσ λευκὴ μεγάλη μία, παρδάλεισ ιδ’, πάνθηροι ισ’ ’, λυγκία δ’, ἄρκηλοι γ’, καμηλοπάρδαλισ μία, ῥινόκερωσ Αἰθιοπικὸσ α’, ἑξῆσ ἐπὶ τετρακύκλου Διόνυσοσ ἐπὶ τὸν τῆσ Ῥέασ βωμὸν καταπεφευγὼσ ὅτε ὑπὸ Ἥρασ ἐδιώκετο, στέφανον ἔχων χρυσοῦν, Πριάπου αὐτῷ παρεστῶτοσ ἐστεφανωμένου χρυσῷ κισσίνῳ. τὸ δὲ τῆσ Ἥρασ ἄγαλμα στεφάνην εἶχε χρυσῆν. Ἀλεξάνδρου δὲ καὶ Πτολεμαίου ἀγάλματα ἐστεφανωμένα στεφάνοισ κισσίνοισ ἐκ χρυσοῦ, τὸ δὲ τῆσ Ἀρετῆσ ἄγαλμα τὸ παρεστὸσ τῷ Πτολεμαίῳ στέφανον εἶχεν ἐλαίασ χρυσοῦν. καὶ Πρίαποσ δ’ αὐτοῖσ συμπαρῆν ἔχων στέφανον κίσσινον ἐκ χρυσοῦ. Κόρινθοσ δ’ ἡ πόλισ παρεστῶσα τῷ Πτολεμαίῳ ἐστεφάνωτο διαδήματι χρυσῷ. παρέκειντο δὲ πᾶσι τούτοισ κυλικεῖον μεστὸν χρυσωμάτων κρατήρ τε χρυσοῦσ μετρητῶν πέντε. "τῇ δὲ τετρακύκλῳ ταύτῃ ἠκολούθουν γυναῖκεσ ἔχουσαι ἱμάτια πολυτελῆ καὶ κόσμον προσηγορεύοντο δὲ πόλεισ, αἵ τε ἀπ’ Ιὠνίασ καὶ αἱ λοιπαὶ Ἑλληνίδεσ ὅσαι τὴν Ἀσίαν καὶ τὰσ νήσουσ κατοικοῦσαι ὑπὸ τοὺσ Πέρσασ ἐτάχθησαν ἐφόρουν δὲ πᾶσαι στεφάνουσ χρυσοῦσ, ἐφέρετο καὶ ἐπ’ ἄλλων τετρακύκλων θύρσοσ ἐνενηκοντάπηχυσ χρυσοῦσ καὶ λόγχη ἀργυρᾶ ἑξηκοντάπηχυσ καὶ ἐν ἄλλῃ φαλλὸσ χρυσοῦσ πηχῶν ρκ’ διαγεγραμμένοσ καὶ διαδεδεμένοσ στέμμασι διαχρύσοισ, ἔχων ἐπ’ ἄκρου ἀστέρα χρυσοῦν, οὗ ἦν ἡ περίμετροσ πηχῶν σ’.

일치하는 문장이 없습니다.

SEARCH

MENU NAVIGATION