Athenaeus, The Deipnosophists, Book 15, book 15, chapter 34 3:

(아테나이오스, The Deipnosophists, Book 15, book 15, chapter 34 3:)

Σόλων τε ὁ σοφὸσ διὰ τῶν Νόμων κεκώλυκε τοὺσ ἄνδρασ μυροπωλεῖν. "νῦν δὲ τῶν ἀνθρώπων οὐχ αἱ ὀσμαὶ μόνον, ὥσ φησιν Κλέαρχοσ ἐν γ’ περὶ Βίων, ἀλλὰ καὶ αἱ χροιαὶ τρυφερὸν ἔχουσαί τι συνεκθηλύνουσι τοὺσ μεταχειριζομένουσ. "ὑμεῖσ δὲ οἰέσθε τὴν ἁβρότητα χωρὶσ ἀρετῆσ ἔχειν τι τρυφερόν; "καίτοι Σαπφώ, γυνὴ μὲν πρὸσ ἀλήθειαν οὖσα καὶ ποιήτρια, ὅμωσ ᾐδέσθη τὸ καλὸν τῆσ ἁβρότητοσ ἀφελεῖν λέγουσα ὧδε· "ἐγὼ δὲ φίλημμ’ ἁβροσύναν, τοῦτο,2 καί μοι τὸ λαμπρὸν ἔροσ τὠελίω καὶ τὸ καλὸν λέλογχε· "φανερὸν ποιοῦσα πᾶσιν ὡσ ἡ τοῦ ζῆν ἐπιθυμία τὸ λαμπρὸν καὶ τὸ καλὸν εἶχεν αὐτῇ ταῦτα δ’ ἐστὶν οἰκεῖα τῆσ ἀρετῆσ. Παρράσιοσ δὲ ὁ ζωγράφοσ, καίπερ παρὰ μέλοσ ὑπὲρ τὴν ἑαυτοῦ τέχνην τρυφήσασ καὶ τὸ λεγόμενον ἐλευθέριον ἐκ ῥαβδίων ὡσ ἔκ τινων ποτηρίων ἑλκύσασ, λόγῳ γοῦν ἀντελάβετο τῆσ ἀρετῆσ, ἐπιγραψάμενοσ τοῖσ ἐν Λίνδῳ πᾶσιν αὑτοῦ ἔργοισ ἁβροδίαιτοσ ἀνήρ ἀρετήν τε σέβων τάδ’ ἔγραψεν Παρράσιοσ. "ᾧ κομψόσ τισ, ὡσ ἐμοὶ δοκεῖ, ὑπεραλγήσασ ῥυπαίνοντι τὸ τῆσ ἀρετῆσ ἀβρὸν καὶ καλόν, ἅτε φορτικῶσ μετακαλεσαμένῳ εἰσ τρυφὴν τὴν δοθεῖσαν ὑπὸ τῆσ τύχησ χορηγίαν, παρέγραψε τὸ ῥαβδοδίαιτοσ ἀνήρ. ἀλλ’ ὅμωσ διὰ τὸ τὴν ἀρετὴν φῆσαι τιμᾶν ἀνεκτέον.

일치하는 문장이 없습니다.

SEARCH

MENU NAVIGATION