Athenaeus, The Deipnosophists, Book 14, book 14, chapter 60

(아테나이오스, The Deipnosophists, Book 14, book 14, chapter 60)

τούτων ἀκούσασ ὁ Οὐλπιανὸσ ἔφη· "ἀλλ’ ἐπειδὴ καὶ κοπτήν τινα καλεῖτε, ὁρῶ δὲ ἑκάστῳ κειμένην ἐπὶ τῆσ τραπέζησ, λέγετε ἡμῖν, ὦ λίχνοι, τίσ τοῦ ὀνόματοσ τούτου τῶν ἐνδόξων μνημονεύει. καὶ ὁ Δημόκριτοσ ἔφη· "τὸ μὲν θαλάσσιον πράσον κοπτήν φησι καλεῖσθαι Διονύσιοσ ὁ Ἰτυκαῖοσ ἐν ἑβδόμῳ Γεωργικῶν. τοῦ δὲ ἡμῖν παρακειμένου μελιπήκτου μέμνηται Κλέαρχοσ ὁ Σολεὺσ ἐν τῷ περὶ Γρίφων· "οὑτωσὶ λέγων ’ σκεύη κελεύοντι λέγειν ὁποῖα εἰπεῖν τρίπουσ, χύτρα, λυχνεῖον, ἀκταία, βάθρον, σπόγγοσ, λέβησ, σκαφεῖον, ὅλμοσ, λήκυθοσ, σπυρίσ, μάχαιρα, τρυβλίον, κρατήρ, ῥαφίσ, ἢ πάλιν ὄψων οὕτωσ· "ἔτνοσ, φακῆ, τάριχοσ, ἰχθύσ, γογγυλίσ, σκόροδον, κρέασ, θύννειον, ἅλμη, κρόμμυον, σκόλυμοσ, ἐλαία, κάππαρισ, βολβόσ, μύκησ. "ἐπί τε τῶν τραγημάτων ὁμοίωσ· "ἄμησ, πλακοῦσ, ἔντιλτοσ, ἴτριον, ῥόα, ᾠόν, ἐρέβινθοσ, σησάμη, κοπτή, βότρυσ, ἰσχάσ, ἄπιοσ, πέρσεια, μῆλ’, ἀμύγδαλα ταῦτα μὲν ὁ Κλέαρχοσ. "ὁ δὲ φλυακογράφοσ Σώπατροσ ἐν τῷ ἐπιγραφομένῳ Πύλαι δράματί φησιν τίσ δ’ ἀναρίθμου μήκωνοσ εὑρ͂ε κοπτὰσ ἢ κνηκοπύρουσ ἡδονὰσ τραγημάτων ἔμιξεν; "ἀπέχεισ, ὦ καλέ μου λογιστὰ Οὐλπιανέ, τὴν κοπτὴν ἧσ συμβουλεύω σοι ἀπεσθίειν.

SEARCH

MENU NAVIGATION