Athenaeus, The Deipnosophists, Book 14, book 14, chapter 49

(아테나이오스, The Deipnosophists, Book 14, book 14, chapter 49)

οἶνον Θάσιον πίνοισ ἄν; β. εἴ τισ ἐγχέοι. α· πρὸσ ἀμυγδάλασ δὲ πῶσ ἔχεισ; β. εἰρηνικῶσ α. β. μαλακὰσ· δι’ ἀσ μέλιτι πρέπει παίειν βίᾳ. α. μελίπηκτα δ’ εἴ σοι προσφέροι; β. τρώγοιμι τἄν. α, ᾠὸν δέ; β. καταπίνοιμ’ ἄν. α. ἄλλου δεῖ τινοσ; ἐν δὲ Ὁμοίοισ· εἶτ’ ἐπεισῆγεν χορείαν ἢ τράπεζαν δευτέραν, καὶ παρέθηκε γέμουσαν πέμμασι παντοδαποῖσ. Ἄμφισ δὲ ἐν Γυναικομανίᾳ·

ἤδη ποτ’ ἤκουσασ βίον ἀληλεμένον; Β. ναί. Α. τοῦτ’ ἐκεῖν’ ἔστιν σαφῶσ· ἄμητεσ, οἶνοσ ἡδύσ, ᾠά, σησαμαῖ, μύρον, στέφανοσ, αὐλητρίσ. β. ὦ Διοσκόρω, ὀνόματα τῶν δώδεκα θεῶν διελήλυθασ. Ἀναξανδρίδησ Ἀγροίκοισ·

ὡσ δ’ ἐστεφανώθην, ἡ τράπεζ’ εἰσήγετο τοσαῦτ’ ἔχουσα βρώμαθ’ ὅσα, μὰ τοὺσ θεοὺσ καὶ τὰσ θεάσ, οὐδ’ ἔνδον ὄντ’ ᾔδειν ἐγώ· οὕτωσ παρέζων χρηστῶσ οὐκ ἔζων τότε. Κλέαρχοσ Πανδρόσῳ· λάβ’ ὕδωρ κατὰ χειρόσ.

β. μηδαμῶσ· καλῶσ ἔχει. α. λάβ’, ὦγάθ’, οὐδὲν χεῖρον. ἡ παῖσ, ἐπιτίθει ἐπὶ τὴν τράπεζαν κάρυα καὶ τραγήματα. Εὔβουλοσ Καμπυλίωνι· τραγημάτων δ’ ἔσθ’ ἡ τράπεζά σοι πλέα. β. οὐ φιλοτραγήμων εἰμί πωσ ἑκάστοτε. Ἄλεξισ Πολυκλείᾳ ἑταίρασ δ’ ὄνομα Πολύκλεια· ὁ πρῶτοσ εὑρὼν κομψὸσ ἦν τραγήματα. τοῦ συμποσίου γὰρ διατριβὴν ἐξεῦρε καὶ ἀργοὺσ ἔχειν μηδέποτε τὰσ σιαγόνασ. καὶ ἐν Ὁμοίᾳ, τὸ δ’ αὐτὸ δρᾶμα καὶ ὡσ ’ Ἀντιδότου φέρεται·

τούτοισι χαίρω, τοῖσ δὲ κεκαρυκευμένοισ ὄψοισι καὶ ζωμοῖσι ‐ μηδάμ’ ὧ θεοί. οὐδὲ φιλόδειπνόσ εἰμι, μὰ τὸν Ἀσκληπιόν, τραγήμασιν χαίρω, μᾶλλον. β. εὖ πάνυ. α. τραγήματ’ αἰσθάνομαι γὰρ ὅτι νομίζεται τοῖσ νυμφίοισ μετιοῦσι Β. τὴν νύμφην λέγεισ; Α. παρέχειν, ἄμητασ καὶ λαγῷα καὶ κίχλασ· Ἀπίων δὲ καὶ Διόδωροσ, ὥσ φησι Πάμφιλοσ, ἐπαίκλειά φησι καλεῖσθαι τὰ μετὰ τὸ δεῖπνον τραγήματα.

일치하는 문장이 없습니다.

SEARCH

MENU NAVIGATION