Athenaeus, The Deipnosophists, Book 12, book 12, chapter 78

(아테나이오스, The Deipnosophists, Book 12, book 12, chapter 78)

ἔθοσ δ’ ἦν Ἀθήνησι καὶ τοὺσ πόδασ τῶν τρυφώντων ἐναλείφειν μύροισ, ὡσ Κηφισόδωροσ μὲν ἐν Τροφωνίῳ φησίν ἔπειτ’ ἀλείφεσθαι τὸ σῶμά μοι· πρίω μύρον ἴρινον καὶ ῥόδινον, ἄγε μοι,7 Ξανθία· καὶ τοῖσ ποσὶν χωρὶσ πρίω μοι βάκκαριν. Εὔβουλοσ δ’ ἐν Σφιγγοκαρίωνι· ἐν θαλάμῳ μαλακῶσ κατακείμενον ἐν δὲ κύκλῳ νιν παρθενικαὶ τρυφεραί,1 χλιδαναὶ μάλα καὶ κατάθρυπτοι, τὸνπόδ’ ἀμαρακίνοισι μύροισ τρίψουσι τὸν ἐμόν. ἐν δὲ Προκρίδι λέγει τισ πῶσ δεῖ ἐπιμελεῖσθαι τοῦ τῆσ Προκρίδοσ κυνὸσ ὡσ περὶ ἀνθρώπου τοῦ κυνὸσ τὸν λόγον ποιούμενοσ· οὐκοῦν ὑποστορεῖτε μαλακῶσ τῷ κυνί κάτω μὲν ὑποβαλεῖτε τῶν Μιλησίων ἐρίων, ἄνωθεν δ’ ἐπιβαλεῖτε ξυστίδα. β. Ἄπολλον. α. εἶτα χόνδρον αὐτῷ δεύσετε γάλακτι χηνόσ. β. Ἡράκλεισ. α. καὶ τοὺσ πόδασ ἀλείψετ’ αὐτοῦ τῷ Μεγαλλείῳ ὁ μύρῳ. Ἀντιφάνησ δὲ ἐν μὲν Ἀλκήστιδι ἐλαίῳ τινὰ ποιεῖ χριόμενον τοὺσ πόδασ, ἐν δὲ Μητραγύρτῃ φησί· τήν τεπαῖδ’ ἀλείμματα παρὰ τῆσ θεοῦ λαβοῦσαν εἶτα τοὺσ πόδασ ἐκέλευ’ ἀλείφειν πρῶτον, εἶτα τὰ γόνατα, ὡσ θᾶττον ἡ παῖσ δ’ ἥψατ’ αὐτοῦ τῶν ποδῶν ἔτριψὲ τ’, ἀνεπήδησεν.

καὶ ἐν Ζακυνθίῳ· εἶτ’ οὐ δικαίωσ εἰμὶ φιλογύνησ ἐγὼ καὶ τὰσ ἑταίρασ ἡδέωσ πάσασ ἔχω; τουτὶ γὰρ αὐτὸ πρῶτον ὃ σὺ ποεῖσ παθεῖν, μαλακαῖσ καλαῖσ τε χερσὶ τριφθῆναι πόδασ, πῶσ οὐχὶ σεμνόν ἐστιν; καὶ ἐν Θορικίοισ·

μύρον τε παρὰ Πέρωνοσ, οὗπερ ἀπέδοτο ἐχθὲσ Μελανώπῳ, πολυτελοῦσ Αἰγυπτίου, ᾧ νῦν ἀλείφει τοὺσ πόδασ Καλλιστράτου. λοῦται δ’ ἀληθῶσ; ἀλλὰ τί; β. ἐκ χρυσοκολλήτου γε κάλπιδοσ μύρῳ; · Αἰγυπτίῳ μὲν τοὺσ πόδασ καὶ τὰ σκέλη φοινικίνῳ δὲ τὰσ γνάθουσ καὶ τιτθία, σισυμβρίνῳ δὲ τὸν ἕτερον βραχίονα· ἀμαρακίνῳ δὲ τὰσ ὀφρῦσ καὶ τὴν κόμην, ἑρπυλλίνῳ δὲ τὸ γόνυ καὶ; τὸν αὐχένα Ἀναξανδρίδησ δὲ ἐν Πρωτεσιλάῳ· καὶ τὸν ἐπὶ Θεμιστοκλέουσ δὲ βίον Τηλεκλείδησ ἐν Πρυτάνεσιν ἁβρὸν ὄντα παραδίδωσι.

Κρατῖνὸσ τ’ ἐν Χείρωσι τὴν τρυφὴν ἐμφανίζων τὴν τῶν παλαιτέρων φησὶν ἁπαλὸν δὲ σισύμβριον ἢ ῥόδον ἢ κρίνον παρ’ οὖσ ἐθάκει, μετὰ χερσὶ δὲ μῆλον ἕκαστοσ ἔχων σκίπωνὰ τ’ ἠγόραζον.

일치하는 문장이 없습니다.

SEARCH

MENU NAVIGATION