Athenaeus, The Deipnosophists, Book 12, book 12, chapter 68

(아테나이오스, The Deipnosophists, Book 12, book 12, chapter 68)

καλῶσ ἄρα ποιοῦντεσ Ῥωμαῖοι οἱ πάντα ἄριστοι Ἀλκαῖον καὶ Φιλίσκον τοὺσ Ἐπικουρείουσ ἐξέβαλον τῆσ πόλεωσ, Λευκίου τοῦ Ποστουμίου ὑπατεύοντοσ, δι’ ἃσ εἰσηγοῦντο ἡδονάσ. ὁμοίωσ δὲ καὶ Μεσσήνιοι κατὰ ψήφισμα ἐξέωσαν τοὺσ Ἐπικουρείουσ, Ἀντίοχοσ δὲ ὁ βασιλεὺσ καὶ πάντασ τοὺσ φιλοσόφουσ τῆσ αὑτοῦ βασιλείασ, γράψασ τάδε "βασιλεὺσ Ἀντίοχοσ Φανίᾳ. ἐγράψαμεν ὑμῖν καὶ πρότερον ὅπωσ μηδεὶσ ᾖ φιλόσοφοσ ἐν τῇ πόλει μηδ’ ἐν τῇ χώρᾳ. πυνθανόμεθα δὲ οὐκ ὀλίγουσ εἶναι καὶ τοὺσ νέουσ λυμαίνεσθαι διὰ τὸ μηθὲν πεποιηκέναι ὑμᾶσ ὧν ἐγράψαμεν περὶ τούτων, ὡσ ἂν οὖν λάβῃσ τὴν ἐπιστολήν, σύνταξον κήρυγμα ποιήσασθαι ὅπωσ οἱ μὲν φιλόσοφοι πάντεσ ἀπαλλάσσωνται ἐκ τῶν τόπων ἤδη, τῶν δὲ νεανίσκων ὅσοι ἐὰν ἁλίσκωνται πρὸσ τούτοισ γινόμενοι διότι κρεμήσονται, καὶ οἱ πατέρεσ αὐτῶν ἐν αἰτίαισ ἔσονται ταῖσ μεγίσταισ· "καὶ μὴ ἄλλωσ γίνηται. τῆσ δ’ ἡδονῆσ πρὸ Ἐπικούρου εἰσηγητὴσ ἐγένετο Σοφοκλῆσ ὁ ποιητὴσ ἐν Ἀντιγόνῃ τοιαῦτα εἰπών τὰσ γὰρ ἡδονὰσ ὅταν προδῶσιν ἄνδρεσ, οὐ τίθημ’ ἐγὼ ’ ζῆν τοῦτον, ἀλλ’ ἔμψυχον ἡγοῦμαι νεκρόν.

πλούτει τε γὰρ κατ’ οἶκον, εἰ βούλει, μέγα καὶ ζῆ τύραννον σχῆμ’ ἔχων ἐὰν δ’ ἀπῇ τούτων τὸ χαίρειν, τἄλλ’ ἐγὼ καπνοῦ σκιᾶσ οὐκ ἂν πριαίμην ἀνδρὶ πρὸσ τὴν ἡδονήν.

일치하는 문장이 없습니다.

SEARCH

MENU NAVIGATION