호흡부호 보기
강세부호 보기
장단부호 보기
작은 Iota 보기
모든 부호 보기
Κλύτοσ δ’ ὁ Ἀριστοτελικὸσ ἐν τοῖσ περὶ Μιλήτου Πολυκράτην φησὶ τὸν Σαμίων τύραννον ὑπὸ τρυφῆσ τὰ πανταχόθεν συνάγειν, κύνασ μὲν ἐξ ἠπείρου, αἶγασ δὲ ἐκ Σκύρου, ἐκ δὲ Μιλήτου πρόβατα, ὗσ δ’ ἐκ Σικελίασ. Ἄλεξισ δ’ ἐν τρίτῳ Σαμίων ̔̀ Ὥρων ἐκ πολλῶν πόλεών φησιν κοσμηθῆναι τὴν Σάμον ὑπὸ τοῦ Πολυκράτουσ, κύνασ μὲν Μολοττικὰσ καὶ Λακαίνασ εἰσαγαγόντοσ, αἶγασ δ’ ἐκ Σκύρου καὶ Νάξου, πρόβατα δ’ ἐκ Μιλήτου καὶ τῆσ Ἀττικῆσ, μετεστέλλετο δέ, φησί, καὶ τεχνίτασ ἐπὶ μισθοῖσ μεγίστοισ. πρὸ δὲ τοῦ τυραννῆσαι κατασκευασάμενοσ στρωμνὰσ πολυτελεῖσ καὶ ποτήρια ἐπέτρεπε χρῆσθαι τοῖσ ἢ γάμον ἢ μείζονασ ὑποδοχὰσ ποιουμένοισ. ἐκ πάντων οὖν τούτων ἄξιον θαυμάζειν τὸν τύραννον ὅτι οὐδαμόθεν ἀναγέγραπται γυναῖκασ ἢ παῖδασ μεταπεμψάμενοσ, καίτοι περὶ τὰσ τῶν ἀρρένων ὁμιλίασ ἐπτοημένοσ, ὡσ καὶ ἀντερᾶν Ἀνακρέοντι τῷ ποιητῇ ὅτε καὶ δι’ ὀργὴν ἀπέκειρε τὸν ἐρώμενον.
πρῶτοσ δ’ ὁ Πολυκράτησ καὶ ναῦσ τινασ πήξασ ἀπὸ τῆσ πατρίδοσ Σαμαίνασ ἐκάλεσεν. Κλέαρχοσ δέ φησιν ὡσ Πολυκράτησ ὁ τῆσ ἁβρᾶσ Σάμου τύραννοσ διὰ τὴν περὶ τὸν βίον ἀκολασίαν ἀπώλετο, ζηλώσασ τὰ Λυδῶν μαλακά, ὅθεν τῷ τ’ ἐν Σάρδεσιν Ἀγκῶνι Γλυκεῖ προσαγορευομένῳ τὴν παρὰ τοῖσ Σαμίοισ λαύραν ἀντικατεσκεύασεν ἐν τῇ πόλει καὶ τοῖσ Λυδῶν ἄνθεσιν ἀντέπλεξε τὰ διαγγελθέντα Σαμίων ἄνθεα.
τούτων δὲ ἡ μὲν Σαμίων λαύρα στενωπή τισ ἦν γυναικῶν δημιουργῶν πλήθουσα καὶ τῶν πρὸσ ἀπόλαυσιν καὶ ἀκρασίαν πάντων βρωμάτων ὄντωσ ἐνέπλησε τὴν Ἑλλάδα· τὰ δὲ Σαμίων ἄνθη γυναικῶν καὶ ἀνδρῶν κάλλη διάφορα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기