Athenaeus, The Deipnosophists, Book 12, book 12, chapter 19 1:

(아테나이오스, The Deipnosophists, Book 12, book 12, chapter 19 1:)

συμπαρῆσαν γὰρ αὐτοῖσ καὶ αὐληταὶ ἐν στρατιωτικῇ σκευῇ· καὶ ἅμα αὐλούντων ἀκούοντεσ οἱ ἵπποι οὐ μόνον ἐξωρχήσαντο, ἀλλὰ καὶ τοὺσ ἀναβάτασ ἔχοντεσ ηὐτομόλησαν πρὸσ τοὺσ Κροτωνιάτασ. τὰ ὅμοια ἱστόρησε καὶ περὶ Καρδιανῶν ὁ Λαμψακηνὸσ Χάρων ἐν δευτέρῳ ̔̀ Ὥρων γράφων οὕτωσ· "Βισάλται εἰσ Καρδίην ἐστρατεύσαντο καὶ ἐνίκησαν. "ἡγεμὼν δὲ τῶν Βισαλτέων ἦν ὁ Νάρισ. "οὗτοσ δὲ παῖσ ὢν ἐν τῇ Καρδίῃ ἐπράθη καί τινι Καρδιηνῷ δουλεύσασ κορσωτεὺσ ἐγένετο. "Καρδιηνοῖσ δὲ λόγιον ἦν ὡσ Βισάλται ἀπίξονται ἐπ’ αὐτούσ, καὶ πυκνὰ περὶ τούτου διελέγοντο ἐν τῷ κορσωτηρίῳ ἱζάνοντεσ. "καὶ ἀποδρὰσ ἐκ τῆσ Καρδίησ εἰσ τὴν πατρίδα τοὺσ Βισάλτασ ἔστειλεν ἐπὶ τοὺσ Καρδιηνοὺσ ἀποδειχθεὶσ ἡγεμὼν ὑπὸ τῶν Βισαλτέων. "οἱ δὲ Καρδιηνοὶ πάντεσ τοὺσ ἵππουσ ἐδίδαξαν ἐν τοῖσ συμποσίοισ ὀρχεῖσθαι ὑπὸ τῶν αὐλῶν, καὶ ἐπὶ τῶν ὀπισθίων ποδῶν ἱστάμενοι τοῖσ προσθίοισ ὥσπερ χειρονομέοντεσ ὠρχοῦντο ἐξεπιστάμενοι τὰ αὐλήματα. "ταῦτ’ οὖν ἐπιστάμενοσ ὁ Νάρισ ἐκτήσατο ἐκ τῆσ Καρδίησ αὐλητρίδα , καὶ ἀφικομένη ἡ αὐλητρὶσ εἰσ τοὺσ Βισάλτασ ἐδίδαξε πολλοὺσ αὐλητάσ· "μεθ’ ὧν δὴ καὶ στρατεύεται ἐπὶ τὴν Καρδίην. "καὶ ἐπειδὴ ἡ μάχη συνειστήκει, ἐκέλευσεν αὐλεῖν τὰ αὐλήματα ὅσα οἱ ἵπποι τῶν Καρδιηνῶν ἐξεπισταίατο. "καὶ ἐπεὶ ἤκουσαν οἱ ἵπποι τοῦ αὐλοῦ, ἔστησαν ἐπὶ τῶν ὀπισθίων ποδῶν καὶ πρὸσ ὀρχησμὸν ἐτράποντο· "τῶν δὲ Καρδιηνῶν ἡ ἰσχὺσ ἐν τῇ ἵππῳ ἦν, καὶ οὕτωσ ἐνικήθησαν.

일치하는 문장이 없습니다.

SEARCH

MENU NAVIGATION