호흡부호 보기
강세부호 보기
장단부호 보기
작은 Iota 보기
모든 부호 보기
Ἕρμιπποσ δὲ ἐν Θεοῖσ· τόν τε κότυλον πρῶτον ἤνεγκ’ ἐνέχυρον τῶν γειτόνων. φησί, καὶ Ἀριστοφάνησ ἐν Βαβυλωνίοισ. Εὔβουλοσ δ’ ἐν Ὀδυσσεῖ ἢ Πανόπταισ· ὁ δ’ ἱερεὺσ Εὐήγοροσ ἐν μέσοισ αὐτοῖσιν ἑστὼσ τὴν καλὴν σκευὴν ἔχων οἶνον ἐξέσπενδε κοτύλῳ. Πάμφιλοσ δὲ ποτηρίου φησὶν εἶναι γένοσ, ἴδιον δ’ εἶναι Διονύσου. πολέμων δ’ ἐν τῷ περὶ τοῦ Δίου Κῳδίου φησί· "μετὰ δὲ ταῦτα τὴν τελετὴν ποιεῖ καὶ αἱρεῖ τὰ ἐκ τῆσ θαλάμησ καὶ νέμει ὅσοι ἂν ὦσι τὸ κέρνοσ περιενηνοχότεσ. "τοῦτο δ’ ἐστὶν ἀγγεῖον κεραμεοῦν ἔχον ἐν αὑτῷ πολλοὺσ κοτυλίσκουσ κεκολλημένουσ· "· "ἔνεισι δ’ ἐν αὐτοῖσ ὁρ́μινοι, μήκωνεσ λευκοί, πυροί, κριθαί, πισοί, λάθυροι, ὦχροι, φακοί, κύαμοι, ζειαί, βρόμοσ, παλάθιον, μέλι, ἔλαιον, οἶνοσ, γάλα, ὀιόν ἔριον ἄπλυτον. "ὁ δὲ τοῦτο βαστάσασ οἱο͂ν λικνοφορήσασ τούτων γεύεται.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기