호흡부호 보기
강세부호 보기
장단부호 보기
작은 Iota 보기
모든 부호 보기
ὅτι Ἀρχέστρατοσ ὁ Συρακούσιοσ ἢ Γελῷοσ ἐν τῇ ὡσ Χρύσιπποσ ἐπιγράφει Γαστρονομίᾳ, ὡσ δὲ Λυγκεὺσ καὶ Καλλίμαχοσ Ἡδυπαθείᾳ, ὡσ δὲ Κλέαρχοσ Δειπνολογίᾳ, ὡσ δὲ ἄλλοι Ὅψοποιίᾳ ‐ ἐπικὸν δὲ τὸ ποίημα, οὗ ἡ ἀρχὴ ἱστορίησ ἐπίδειγμα ποιούμενοσ, Ἑλλάδι πάσῃ φησί· πρὸσ δὲ μιᾷ πάντασ δειπνεῖν ἁβρόδαιτι τραπέζῃ. ἔστωσαν δὲ ἢ τρεῖσ ἢ τέσσαρεσ οἱ ξυνάπαντεσ ἢ τῶν πέντε γε μὴ πλείουσ· ἤδη γὰρ ἂν εἰή μισθοφόρων ἁρπαξιβίων σκηνὴ στρατιωτῶν. ἀγνοεῖ δ’ ὅτι οἱ ἐν τῷ Πλάτωνοσ συσσιτίῳ ὀκτὼ καί, εἴκοσι ἦσαν. οὗτοι δὲ πρὸσ τὰ δεῖπνα τῶν ἐν τῇ πόλει ἀφορῶσιν ἀεὶ καὶ πέτονται δεξιῶσ ἐπὶ ταῦτ’ ἄκλητοι, Ἀντιφάνησ φησί, καὶ ἐπάγει· τὸν δῆμον ἐκ κοινοῦ τρέφειν, ἀεί θ’ ὅπερ Ὀλυμπίασί φασι ταῖσ μυίαισ ποιεῖν, βοῦν τοῖσ ἀκλήτοισ προκατακόπτειν πανταχοῦ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기