Arrian, Anabasis, book 2, chapter 22

(아리아노스, Anabasis, book 2, chapter 22)

Ξυνέβη δὲ ἐκείνῃ τῇ ἡμέρᾳ Ἀλέξανδρον ἀποχωρῆσαι μὲν ἐπὶ τὴν σκηνήν, οὐ διατρίψαντα δὲ κατὰ τὸ εἰωθὸσ δἰ ὀλίγου ἐπὶ τὰσ ναῦσ ἐπανελθεῖν. οἱ δὲ Τύριοι προσπεσόντεσ ἀπροσδοκήτωσ ταῖσ ναυσὶν ὁρμούσαισ καὶ ταῖσ μὲν πάντῃ κεναῖσ ἐπιτυχόντεσ, τῶν δ̓ ὑπ̓ αὐτὴν τὴν βοὴν καὶ τὸν ἐπίπλουν χαλεπῶσ ἐκ τῶν παρόντων πληρουμένων, τήν τε Πνυταγόρου τοῦ βασιλέωσ πεντήρη εὐθὺσ ὑπὸ τῇ πρώτῃ ἐμβολῇ κατέδυσαν καὶ τὴν Ἀνδροκλέουσ τοῦ Ἀμαθουσίου καὶ τὴν Πασικράτουσ τοῦ Κουριέωσ, τὰσ δὲ ἄλλασ ἐσ τὸν αἰγιαλὸν ἐξωθοῦντεσ ἔκοπτον.

Ἀλέξανδροσ δὲ ὡσ ᾔσθετο τὸν ἔκπλουν τῶν Τυρίων τριήρων, τὰσ μὲν πολλὰσ τῶν ξὺν αὐτῷ νεῶν, ὅπωσ ἑκάστη πληρωθείη, ἐπὶ τῷ στόματι τοῦ λιμένοσ ἀνακωχεύειν ἔταξεν, ὡσ μὴ καὶ ἄλλαι ἐκπλεύσειαν τῶν Τυρίων νῆεσ·

αὐτὸσ δὲ πεντήρεισ τε τὰσ ξὺν αὐτῷ ἀναλαβὼν καὶ τῶν τριήρων ἐσ πέντε μάλιστα, ὅσαι ἔφθησαν αὐτῷ κατὰ τάχοσ πληρωθεῖσαι, περιέπλει τὴν πόλιν ὡσ ἐπὶ τοὺσ ἐκπεπλευκότασ τῶν Τυρίων. οἱ δὲ ἀπὸ τοῦ τείχουσ, τὸν τε ἐπίπλουν τῶν πολεμίων κατιδόντεσ καὶ Ἀλέξανδρον αὐτὸν ἐπὶ τῶν νεῶν, βοῇ τε ἐπανάγειν ἐνεκελεύοντο τοῖσ ἐκ τῶν σφετέρων νεῶν καὶ ὡσ οὐκ ἐξακουστὸν ἦν ὑπὸ θορύβου ξυνεχομένων ἐν τῷ ἔργῳ, σημείοισ ἄλλοισ καὶ ἄλλοισ ἐπεκάλουν ἐσ τὴν ἀναχώρησιν.

οἱ δὲ ὀψέ ποτε αἰσθόμενοι τὸν ἐπίπλουν τῶν ἀμφ̓ Ἀλέξανδρον ὑποστρέψαντεσ ἐσ τὸν λιμένα ἔφευγον. καὶ ὀλίγαι μὲν τῶν νεῶν φθάνουσιν ὑπεκφυγοῦσαι, ταῖσ δὲ πλείοσιν ἐμβαλοῦσαι αἱ ξὺν Ἀλεξάνδρῳ τὰσ μὲν αὐτῶν ἄπλουσ ἐποίησαν, πεντήρησ δέ τισ καὶ τετρήρησ αὐτῶν ἐπ̓ αὐτῷ τῷ στόματι τοῦ λιμένοσ ἐλήφθησαν.

φόνοσ δὲ τῶν ἐπιβατῶν οὐ πολὺσ ἐγένετο. ὡσ γὰρ ᾔσθοντο ἐχομένασ τὰσ ναῦσ ἀπενήξαντο οὐ χαλεπῶσ ἐσ τὸν λιμένα. Ὡσ δὲ οὐδεμία ἔτι τοῖσ Τυρίοισ ἐκ τῶν νεῶν ὠφέλεια ἦν, ἐπῆγον ἤδη οἱ Μακεδόνεσ τὰσ μηχανὰσ τῷ τείχει αὐτῶν.

κατὰ μὲν δὴ τὸ χῶμα προσαγόμεναι διὰ ἰσχὺν τοῦ τείχουσ οὐδὲν ἤνυον ὅ τι καὶ λόγου ἄξιον, οἱ δὲ κατὰ τὸ πρὸσ Σιδῶνα τετραμμένον τῆσ πόλεωσ τῶν νεῶν τινασ τῶν μηχανοφόρων προσῆγον. ὡσ δὲ οὐδὲ ταύτῃ ἤνυεν, ἐσ τὸ πρὸσ νότον αὖ ἄνεμον καὶ πρὸσ Αἴγυπτον ἀνέχον τεῖχοσ μετῄει πάντῃ ἀποπειρώμενοσ τοῦ ἔργου.

καὶ ἐνταῦθα πρῶτον κατεσείσθη τε τὸ τεῖχοσ ἐπὶ μέγα καὶ τι καὶ κατηρίφθη αὐτοῦ παραρραγέν. τότε μὲν δὴ ὅσον ἐπιβαλὼν γεφύρασ ᾗ ἐρήριπτο τοῦ τείχουσ ἀπεπειράθη ἐσ ὀλίγον τῆσ προσβολῆσ· καὶ οἱ Τύριοι οὐ χαλεπῶσ ἀπεκρούσαντο τοὺσ Μακεδόνασ.

일치하는 문장이 없습니다.

SEARCH

MENU NAVIGATION