헬라어 문장 검색 - Αρριαν́Αναβασί2́05́

(아리아노스, Anabasis, book 2, chapter 5)

ἄλλασ πύλασ, αἳ δὴ ὁρίζουσι τὴν Κιλίκων τε καὶ Ἀσσυρίων χώραν, προκαταλαβεῖν καὶ φυλάσσειν τὴν πάροδον, δοὺσ αὐτῷ τῶν τε ξυμμάχων τοὺσ πεζοὺσ καὶ τοὺσ Ἕλληνασ τοὺσ μισθοφόρουσ καὶ τοὺσ Θρᾷκασ, ὧν Σιτάλκησ ἡγεῖτο, καὶ τοὺσ ἱππέασ δὲ τοὺσ Θεσσαλούσ. αὐτὸσ δὲ ὕστεροσ ἄρασ ἐκ Ταρσοῦ τῇ μὲν πρώτῃ ἐσ Ἀγχίαλον πόλιν ἀφικνεῖται.

ταύτην δὲ Σαρδανάπαλον κτίσαι τὸν Ἀσσύριον λόγοσ· καὶ τῷ περιβόλῳ δὲ καὶ τοῖσ θεμελίοισ τῶν τειχῶν δήλη ἐστὶ μεγάλη τε πόλισ κτισθεῖσα καὶ ἐπὶ μέγα ἐλθοῦσα δυνάμεωσ. καὶ τὸ μνῆμα τοῦ Σαρδαναπάλου ἐγγὺσ ἦν τῶν τειχῶν τῆσ Ἀγχιάλου·

καὶ αὐτὸσ ἐφειστήκει ἐπ̓ αὐτῷ Σαρδανάπαλοσ συμβεβληκὼσ τὰσ χεῖρασ ἀλλήλαισ ὡσ μάλιστα ἐσ κρότον συμβάλλονται, καὶ ἐπίγραμμα ἐπεγέγραπτο αὐτῷ Ἀσσύρια γράμματα· οἱ μὲν Ἀσσύριοι καὶ μέτρον ἔφασκον ἐπεῖναι τῷ ἐπιγράμματι,ὁ δὲ νοῦσ ἦν αὐτῷ ὃν ἔφραζε τὰ ἔπη, ὅτι Σαρδανάπαλοσ ὁ Ἀνακυνδαράξου παῖσ Ἀγχίαλον καὶ Ταρσὸν ἐν ἡμέρᾳ μιᾷ ἐδείματο.

σὺ δέ, ὦ ξένε, ἔσθιε καὶ πῖνε καὶ παῖζε, ὡσ τἆλλα τὰ ἀνθρώπινα οὐκ ὄντα τούτου ἄξια· τὸν ψόφον αἰνισσόμενοσ, ὅνπερ αἱ χεῖρεσ ἐπὶ τῷ κρότῳ ποιοῦσι· καὶ τὸ παῖζε ῥᾳδιουργότερον ἐγγεγράφθαι ἔφασαν τῷ Ἀσσυρίῳ ὀνόματι. Ἐκ δὲ τῆσ Ἀγχιάλου ἐσ Σόλουσ ἀφίκετο· καὶ φρουρὰν ἐσήγαγεν ἐσ Σόλουσ καὶ ἐπέβαλεν αὐτοῖσ τάλαντα διακόσια ἀργυρίου ζημίαν, ὅτι πρὸσ τοὺσ Πέρσασ μᾶλλόν τι τὸν νοῦν εἶχον.

ἔνθεν δὲ ἀναλαβὼν τῶν μὲν πεζῶν τῶν Μακεδόνων τρεῖσ τάξεισ, τοὺσ τοξότασ δὲ πάντασ καὶ τοὺσ Ἀγριᾶνασ ἐξελαύνει ἐπὶ τοὺσ τὰ ὄρη κατέχοντασ Κίλικασ.

καὶ ἐν ἑπτὰ ταῖσ πάσαισ ἡμέραισ τοὺσ μὲν βίᾳ ἐξελών, τοὺσ δὲ ὁμολογίᾳ παραστησάμενοσ ἐπανῆκεν ἐσ τοὺσ Σόλουσ. καὶ ἐνταῦθα μανθάνει Πτολεμαῖον καὶ Ἄσανδρον ὅτι ἐκράτησαν Ὀροντοβάτου τοῦ Πέρσου, ὃσ τήν τε ἄκραν τῆσ Ἁλικαρνασσοῦ ἐφύλασσε καὶ Μύνδον καὶ Καῦνον καὶ Θήραν καὶ Καλλίπολιν κατεῖχε·

προσῆκτο δὲ καὶ Κῶ καὶ Τριόπιον. τοῦτον ἡττῆσθαι ἔγραφον μάχῃ μεγάλῃ· καὶ ἀποθανεῖν μὲν τῶν ἀμφ̓ αὐτὸν πεζοὺσ ἐσ ἑπτακοσίουσ καὶ ἱππέασ ἐσ πεντήκοντα, ἁλῶναι δὲ οὐκ ἐλάττουσ τῶν χιλίων. Ἀλέξανδροσ δὲ ἐν Σόλοισ θύσασ τε τῷ Ἀσκληπιῷ καὶ πομπεύσασ αὐτόσ τε καὶ ἡ στρατιὰ πᾶσα καὶ λαμπάδα ἐπιτελέσασ καὶ ἀγῶνα διαθεὶσ γυμνικὸν καὶ μουσικὸν Σολεῦσι μὲν δημοκρατεῖσθαι ἔδωκεν·

αὐτὸσ δὲ ἀναζεύξασ ἐσ Ταρσὸν τοὺσ μὲν ἱππέασ ἀπέστειλεν Φιλώτᾳ δοὺσ ἄγειν διὰ τοῦ Ἀλη[ν]ίου πεδίου ἐπὶ τὸν ποταμὸν τὸν Πύραμον, αὐτὸσ δὲ σὺν τοῖσ πεζοῖσ καὶ τῇ ἴλῃ τῇ βασιλικῇ ἐσ Μάγαρσον ἧκεν καὶ τῇ Ἀθηνᾷ τῇ Μαγαρσίδι ἔθυσεν. ἔνθεν δὲ ἐσ Μαλλὸν ἀφίκετο καὶ Ἀμφιλόχῳ ὅσα ἡρ́ωι ἐνήγισε·

καὶ στασιάζοντασ καταλαβὼν τὴν στάσιν αὐτοῖσ κατέπαυσε· καὶ τοὺσ φόρουσ, οὓσ βασιλεῖ Δαρείῳ ἀπέφερον, ἀνῆκεν, ὅτι Ἀργείων μὲν Μαλλωταὶ ἄποικοι ἦσαν, αὐτὸσ δὲ ἀπ̓ Ἄργουσ τῶν Ἡρακλειδῶν εἶναι ἠξίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Arrian, Anabasis, book 2, chapter 5

(아리아노스, Anabasis, book 2, chapter 5)

상위

목록

SEARCH

MENU NAVIGATION