호흡부호 보기
강세부호 보기
장단부호 보기
작은 Iota 보기
모든 부호 보기
Ἐν τούτῳ δὲ Ἀλέξανδροσ προὐχώρει ἐπὶ τὸν Γράνικον ποταμὸν συντεταγμένῳ τῷ στρατῷ, διπλῆν μὲν τὴν φάλαγγα τῶν ὁπλιτῶν τάξασ, τοὺσ δὲ ἱππέασ κατὰ τὰ κέρατα ἄγων, τὰ σκευοφόρα δὲ κατόπιν ἐπιτάξασ ἕπεσθαι· τοὺσ δὲ προκατασκεψομένουσ τὰ τῶν πολεμίων ἦγεν αὐτῷ Ἡγέλοχοσ, ἱππέασ μὲν ἔχων τοὺσ σαρισσοφόρουσ, τῶν δὲ ψιλῶν ἐσ πεντακοσίουσ. καὶ Ἀλέξανδρόσ τε οὐ πολὺ ἀπεῖχε τοῦ ποταμοῦ τοῦ Γρανίκου καὶ οἱ ἀπὸ τῶν σκοπῶν σπουδῇ ἐλαύνοντεσ ἀπήγγελλον ἐπὶ τῷ Γρανίκῳ πέραν τοὺσ Πέρσασ ἐφεστάναι τεταγμένουσ ὡσ ἐσ μάχην.
ἔνθα δὴ Ἀλέξανδροσ μὲν τὴν στρατιὰν πᾶσαν συνέταττεν ὡσ μαχουμένουσ· Παρμενίων δὲ προσελθὼν λέγει Ἀλεξάνδρῳ τάδε. "Ἐμοὶ δοκεῖ, βασιλεῦ, ἀγαθὸν εἶναι ἐν τῷ παρόντι καταστρατοπεδεῦσαι ἐπὶ τοῦ ποταμοῦ τῇ ὄχθῃ ὡσ ἔχομεν.
"τοὺσ γὰρ πολεμίουσ οὐ δοκῶ τολμήσειν πολὺ τῷ πεζῷ λειπομένουσ πλησίον ἡμῶν αὐλισθῆναι, καὶ ταύτῃ παρέξειν ἑώθεν εὐπετῶσ τῷ στρατῷ διαβαλεῖν τὸν πόρον· "ὑποφθάσομεν γὰρ αὐτοὶ περάσαντεσ πρὶν ἐκείνουσ ἐσ τάξιν καθίστασθαι. "νῦν δὲ οὐκ ἀκινδύνωσ μοι δοκοῦμεν ἐπιχειρήσειν τῷ ἔργῳ, ὅτι οὐχ οἱο͂́ν τε ἐν μετώπῳ διὰ τοῦ ποταμοῦ ἄγειν τὸν στρατόν. πολλὰ μὲν γὰρ αὐτοῦ ὁρᾶται βαθέα, αἱ δὲ ὄχθαι αὗται ὁρᾷσ ὅτι ὑπερύψηλοι καὶ κρημνώδεισ εἰσὶν αἳ αὐτῶν· "ἀτάκτωσ τε οὖν καὶ κατὰ κέρασ, ᾗπερ ἀσθενέστατον, ἐκβαίνουσιν ἐπικείσονται ἐσ φάλαγγα ξυντεταγμένοι τῶν πολεμίων οἱ ἱππεῖσ· "καὶ τὸ πρῶτον σφάλμα ἔσ τε τὰ παρόντα χαλεπόν καὶ ἐσ τὴν ὑπὲρ παντὸσ τοῦ πολέμου κρίσιν σφαλερόν. "ὦ Παρμενίων, γιγνώσκω·
"αἰσχύνομαι δέ, εἰ τὸν μὲν Ἑλλήσποντον διέβην εὐπετῶσ, τοῦτο δέ, σμικρὸν ῥεῦμα, ‐ οὕτω τῷ ὀνόματι τὸν Γράνικον ἐκφαυλίσασ, ‐ εἴρξει ἡμᾶσ τὸ μὴ οὐ διαβῆναι ὡσ ἔχομεν. "καὶ τοῦτο οὔτε πρὸσ Μακεδόνων τῆσ δόξησ οὔτε πρὸσ τῆσ ἐμῆσ ἐσ τοὺσ κινδύνουσ ὀξύτητοσ ποιοῦμαι· "ἀναθαρρήσειν τε δοκῶ τοὺσ Πέρσασ ὡσ ἀξιομάχουσ Μακεδόσιν ὄντασ, ὅτι οὐδὲν ἄξιον τοῦ σφῶν δέουσ ἐν τῷ παραυτίκα ἔπαθον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기