Aristophanes, Thesmophoriazusae, Episode

(아리스토파네스, Thesmophoriazusae, Episode)

ἰώμεν ἐπὶ τὰσ κληματίδασ ὦ Μανία. κἀγώ σ’ ἀποδείξω θυμάλωπα τήμερον. ὕφαπτε καὶ κάταιθε· σὺ δὲ τὸ Κρητικὸν ἀπόδυθι ταχέωσ· τοῦ θανάτου δ’ ὦ παιδίον μόνην γυναικῶν αἰτιῶ τὴν μητέρα. τουτὶ τί ἔστιν; ἀσκὸσ ἐγένεθ’ ἡ κόρη οἴνου πλέωσ καὶ ταῦτα Περσικὰσ ἔχων. ὦ θερμόταται γυναῖκεσ, ὦ ποτίσταται κἀκ παντὸσ ὑμεῖσ μηχανώμεναι πιεῖν, ὦ μέγα καπήλοισ ἀγαθὸν ἡμῖν δ’ αὖ κακόν, κακὸν δὲ καὶ τοῖσ σκευαρίοισ καὶ τῇ κρόκῃ. παράβαλλε πολλὰσ κληματίδασ ὦ Μανία. παράβαλλε δῆτα· σὺ δ’ ἀπόκριναί μοι τοδί, τουτὶ τεκεῖν φῄσ; <καὶ> δέκα μῆνασ αὔτ’ ἐγὼ ἤνεγκον. ἤνεγκασ σύ; νὴ τὴν Ἄρτεμιν. πρικότυλον ἢ πῶσ; εἰπέ μοι. τί μ’ ἠργάσω; ἀπέδυσασ ὦναίσχυντέ μου τὸ παιδίον τυννοῦτον ὄν. τυννοῦτο; μικρὸν νὴ Δία. πόσ’ ἔτη δὲ γέγονε; τρεῖσ Χοᾶσ ἢ τέτταρασ; σχεδὸν τοσοῦτον χὤσον ἐκ Διονυσίων. ἀλλ’ ἀπόδοσ αὐτό. μὰ τὸν Ἀπόλλω τουτονί. ἐμπρήσομεν τοίνυν σε. πάνυ γ’ ἐμπίμπρατε· αὕτη δ’ ἀποσφαγήσεται μάλ’ αὐτίκα. μὴ δῆθ’, ἱκετεύω σ’· ἀλλ’ ἔμ’ ὅ τι χρῄζεισ ποίει ὑπέρ γε τούτου. φιλότεκνόσ τισ εἶ φύσει. ἀλλ’ οὐδὲν ἧττον ἥδ’ ἀποσφαγήσεται οἴμοι τέκνον. δόσ μοι σφαγεῖον Μανία, ἵν’ οὖν τό γ’ αἷμα τοῦ τέκνου τοὐμοῦ λάβω. ὕπεχ’ αὐτό, χαριοῦμαι γὰρ ἕν γε τοῦτό σοι. κακῶσ ἀπόλοι’, ὡσ φθονερὸσ εἶ καὶ δυσμενήσ. τουτὶ τὸ δέρμα τῆσ ἱερείασ γίγνεται. τί τῆσ ἱερείασ γίγνεται; τουτί. λαβέ. ταλαντάτη Μίκκα τίσ ἐξεκόρησέ σε; τίσ τὴν ἀγαπητὴν παῖδά σοὐξῃρήσατο; ὁ πανοῦργοσ οὗτοσ. ἀλλ’ ἐπειδήπερ πάρει, φύλαξον αὐτόν, ἵνα λαβοῦσα Κλεισθένη τοῖσιν πρυτάνεσιν ἃ πεποίηχ’ οὗτοσ φράσω. ἄγε δὴ τίσ ἔσται μηχανὴ σωτηρίασ; τίσ πεῖρα, τίσ ἐπίνοι’; ὁ μὲν γὰρ αἴτιοσ κἄμ’ ἐσκυλίσασ ἐσ τοιαυτὶ πράγματα οὐ φαίνεταί πω. φέρε τίν’ οὖν <ἂν> ἄγγελον πέμψαιμ’ ἐπ’ αὐτόν; οἶδ’ ἐγὼ καὶ δὴ πόρον ἐκ τοῦ Παλαμήδουσ· ὡσ ἐκεῖνοσ, τὰσ πλάτασ ῥίψω γράφων. ἀλλ’ οὐ πάρεισιν αἱ πλάται. πόθεν οὖν γένοιντ’ ἄν μοι πλάται πόθεν; <πόθεν; > τί δ’ ἂν εἰ ταδὶ τἀγάλματ’ ἀντὶ τῶν πλατῶν γράφων διαρρίπτοιμι; βέλτιον πολύ. ξύλον γέ τοι καὶ ταῦτα κἀκεῖν’ ἦν ξύλον.

상위

Thesmophoriazusae

목록

일치하는 문장이 없습니다.

SEARCH

MENU NAVIGATION