호흡부호 보기
강세부호 보기
장단부호 보기
작은 Iota 보기
모든 부호 보기
εἴ τἄρα νὴ τὴν Φωσφόρον τὴν χεῖρ’ ἄκραν ταύτῃ προσοίσεισ, κύαθον αἰτήσεισ τάχα. τουτὶ τί ἦν; ποῦ τοξότησ; ταύτησ ἔχου. παύσω τιν’ ὑμῶν τῆσδ’ ἐγὼ τῆσ ἐξόδου. εἴ τἄρα νὴ τὴν Ταυροπόλον ταύτῃ πρόσει, ἐκκοκκιῶ σου τὰσ στενοκωκύτουσ τρίχασ. οἴμοι κακοδαίμων· ἐπιλέλοιφ’ ὁ τοξότησ. ἀτὰρ οὐ γυναικῶν οὐδέποτ’ ἔσθ’ ἡττητέα ἡμῖν· ὁμόσε χωρῶμεν αὐταῖσ ὦ Σκύθαι ξυνταξάμενοι. νὴ τὼ θεὼ γνώσεσθ’ ἄρα ὅτι καὶ παρ’ ἡμῖν εἰσι τέτταρεσ λόχοι μαχίμων γυναικῶν ἔνδον ἐξωπλισμένων. ἀποστρέφετε τὰσ χεῖρασ αὐτῶν ὦ Σκύθαι. ὦ ξύμμαχοι γυναῖκεσ ἐκθεῖτ’ ἔνδοθεν, ὦ σπερμαγοραιολεκιθολαχανοπώλιδεσ, ὦ σκοροδοπανδοκευτριαρτοπώλιδεσ, οὐχ ἕλξετ’, οὐ παιήσετ’, οὐκ ἀράξετε; οὐ λοιδορήσετ’, οὐκ ἀναισχυντήσετε; παύσασθ’, ἐπαναχωρεῖτε, μὴ σκυλεύετε. οἴμ’ ὡσ κακῶσ πέπραγέ μου τὸ τοξικόν. ἀλλὰ τί γὰρ ᾤου; πότερον ἐπὶ δούλασ τινὰσ ἥκειν ἐνόμισασ, ἢ γυναιξὶν οὐκ οἰεί χολὴν ἐνεῖναι; νὴ τὸν Ἀπόλλω καὶ μάλα πολλήν γ’, ἐάνπερ πλησίον κάπηλοσ ᾖ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기