헬라어 문장 검색 - ΑριστοπήΦρογσ́10́12́0́

(아리스토파네스, Frogs, Lyric-Scene, lyric)

τοιαυτὶ μέντοι σὺ ποιῶν τολμᾷσ τἀμὰ μέλη ψέγειν, ἀνὰ τὸ δωδεκαμήχανον Κυρήνησ μελοποιῶν; τὰ μὲν μέλη σου ταῦτα· βούλομαι δ’ ἔτι τὸν τῶν μονῳδιῶν διεξελθεῖν τρόπον. ὦ νυκτὸσ κελαινοφαὴσ ὄρφνα, τίνα μοι δύστανον ὄνειρον πέμπεισ ἐξ ἀφανοῦσ, Αἴδα πρόμολον, ψυχὰν ἄψυχον ἔχοντα, μελαίνασ Νυκτὸσ παῖδα, φρικώδη δεινὰν ὄψιν, μελανονεκυείμονα, φόνια φόνια δερκόμενον, μεγάλουσ ὄνυχασ ἔχοντα. ἀλλά μοι ἀμφίπολοι λύχνον ἅψατε κάλπισί τ’ ἐκ ποταμῶν δρόσον ἄρατε, θέρμετε δ’ ὕδωρ, ὡσ ἂν θεῖον ὄνειρον ἀποκλύσω. ἰὼ πόντιε δαῖμον, τοῦτ’ ἐκεῖν’· ἰὼ ξύνοικοι, τάδε τέρα θεάσασθε. τὸν ἀλεκτρυόνα μου συναρπάσασα φρούδη Γλύκη. Νύμφαι ὀρεσσίγονοι. ὦ Μανία ξύλλαβε. ἐγὼ δ’ ἁ τάλαινα προσέχουσ’ ἔτυχον ἐμαυτῆσ ἔργοισι, λίνου μεστὸν ἄτρακτον εἱειειειλίσσουσα χεροῖν κλωστῆρα ποιοῦσ’, ὅπωσ κνεφαῖοσ εἰσ ἀγορὰν φέρουσ’ ἀποδοίμαν· ὁ δ’ ἀνέπτατ’ ἀνέπτατ’ ἐσ αἰθέρα κουφοτάταισ πτερύγων ἀκμαῖσ· ἐμοὶ δ’ ἄχε’ ἄχεα κατέλιπε, δάκρυα δάκρυά τ’ ἀπ’ ὀμμάτων ἔβαλον ἔβαλον ἁ τλάμων. ἀλλ’ ὦ Κρῆτεσ, Ἴδασ τέκνα, τὰ τόξα λαβόντεσ ἐπαμύνατε, τὰ κῶλά τ’ ἀμπάλλετε κυκλούμενοι τὴν οἰκίαν. ἅμα δὲ Δίκτυννα παῖσ Ἄρτεμισ καλὰ τὰσ κυνίσκασ ἔχουσ’ ἐλθέτω διὰ δόμων πανταχῇ, σὺ δ’ ὦ Διὸσ διπύρουσ ἀνέχουσα λαμπάδασ ὀξυτάτασ χεροῖν Ἑκάτα παράφηνον ἐσ Γλύκησ, ὅπωσ ἂν εἰσελθοῦσα φωράσω. παύσασθον ἤδη τῶν μελῶν. κἄμοιγ’ ἅλισ. ἐπὶ τὸν σταθμὸν γὰρ αὐτὸν ἀγαγεῖν βούλομαι, ὅπερ ἐξελέγξει τὴν ποίησιν νῷν μόνον. τὸ γὰρ βάροσ νὼ βασανιεῖ τῶν ῥημάτων. ἴτε δεῦρό νυν, εἴπερ γε δεῖ καὶ τοῦτό με ἀνδρῶν ποιητῶν τυροπωλῆσαι τέχνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristophanes, Frogs, Lyric-Scene, lyric

(아리스토파네스, Frogs, Lyric-Scene, lyric)

상위

목록

SEARCH

MENU NAVIGATION