Aristophanes, Frogs, Parabasis, antepirrheme

(아리스토파네스, Frogs, Parabasis, antepirrheme)

πολλάκισ γ’ ἡμῖν ἔδοξεν ἡ πόλισ πεπονθέναι ταὐτὸν ἔσ τε τῶν πολιτῶν τοὺσ καλούσ τε κἀγαθοὺσ ἔσ τε τἀρχαῖον νόμισμα καὶ τὸ καινὸν χρυσίον. οὔτε γὰρ τούτοισιν οὖσιν οὐ κεκιβδηλευμένοισ, ἀλλὰ καλλίστοισ ἁπάντων, ὡσ δοκεῖ, νομισμάτων καὶ μόνοισ ὀρθῶσ κοπεῖσι καὶ κεκωδωνισμένοισ ἔν τε τοῖσ Ἕλλησι καὶ τοῖσ βαρβάροισι πανταχοῦ χρώμεθ’ οὐδέν, ἀλλὰ τούτοισ τοῖσ πονηροῖσ χαλκίοισ χθέσ τε καὶ πρώην κοπεῖσι τῷ κακίστῳ κόμματι. τῶν πολιτῶν θ’ οὓσ μὲν ἴσμεν εὐγενεῖσ καὶ σώφρονασ ἄνδρασ ὄντασ καὶ δικαίουσ καὶ καλούσ τε κἀγαθοὺσ καὶ τραφέντασ ἐν παλαίστραισ καὶ χοροῖσ καὶ μουσικῇ, προυσελοῦμεν, τοῖσ δὲ χαλκοῖσ καὶ ξένοισ καὶ πυρρίαισ καὶ πονηροῖσ κἀκ πονηρῶν εἰσ ἅπαντα χρώμεθα ὑστάτοισ ἀφιγμένοισιν, οἷσιν ἡ πόλισ πρὸ τοῦ οὐδὲ φαρμακοῖσιν εἰκῇ ῥᾳδίωσ ἐχρήσατ’ ἄν. ἀλλὰ καὶ νῦν ὦνόητοι μεταβαλόντεσ τοὺσ τρόπουσ χρῆσθε τοῖσ χρηστοῖσιν αὖθισ· καὶ κατορθώσασι γὰρ εὔλογον, κἄν τι σφαλῆτ’, ἐξ ἀξίου γοῦν τοῦ ξύλου, ἤν τι καὶ πάσχητε, πάσχειν τοῖσ σοφοῖσ δοκήσετε.

일치하는 문장이 없습니다.

SEARCH

MENU NAVIGATION