Aristophanes, Frogs, Prologue, trochees 1:

(아리스토파네스, Frogs, Prologue, trochees 1:)

βρεκεκεκὲξ κοὰξ κοάξ. ἀλλ’ ἐξόλοισθ’ αὐτῷ κοάξ· οὐδὲν γάρ ἐστ’ ἀλλ’ ἢ κοάξ. εἰκότωσ γ’ ὦ πολλὰ πράττων. ἐμὲ γὰρ ἔστερξαν εὔλυροί τε Μοῦσαι καὶ κεροβάτασ Πὰν ὁ καλαμόφθογγα παίζων· προσεπιτέρπεται δ’ ὁ φορμικτὰσ Ἀπόλλων, ἕνεκα δόνακοσ, ὃν ὑπολύριον ἔνυδρον ἐν λίμναισ τρέφω. βρεκεκεκὲξ κοάξ κοάξ. ἐγὼ δὲ φλυκταίνασ γ’ ἔχω, χὠ πρωκτὸσ ἰδίει πάλαι, κᾆτ’ αὐτίκ’ ἐκκύψασ ἐρεῖ ‐ βρεκεκεκὲξ κοὰξ κοάξ. ἀλλ’ ὦ φιλῳδὸν γένοσ παύσασθε. μᾶλλον μὲν οὖν φθεγξόμεσθ’, εἰ δή ποτ’ εὐηλίοισ ἐν ἁμέραισιν ἡλάμεσθα διὰ κυπείρου καὶ φλέω, χαίροντεσ ᾠδῆσ πολυκολύμβοισι μέλεσιν, ἢ Διὸσ φεύγοντεσ ὄμβρον ἔνυδρον ἐν βυθῷ χορείαν αἰόλαν ἐφθεγξάμεσθα πομφολυγοπαφλάσμασιν. βρεκεκεκὲξ κοὰξ κοάξ. τουτὶ παρ’ ὑμῶν λαμβάνω. δεινά τἄρα πεισόμεσθα. δεινότερα δ’ ἔγωγ’, ἐλαύνων εἰ διαρραγήσομαι. βρεκεκεκὲξ κοὰξ κοάξ. οἰμώζετ’· οὐ γάρ μοι μέλει. ἀλλὰ μὴν κεκραξόμεσθά γ’ ὁπόσον ἡ φάρυξ ἂν ἡμῶν χανδάνῃ δι’ ἡμέρασ. βρεκεκεκὲξ κοὰξ κοάξ. τούτῳ γὰρ οὐ νικήσετε. οὐδὲ μὴν ἡμᾶσ σὺ πάντωσ. οὐδὲ μὴν ὑμεῖσ γ’ ἐμὲ οὐδέποτε· κεκράξομαι γὰρ κἂν δέῃ δι’ ἡμέρασ <βρεκεκεκὲξ κοὰξ κοάξ,> ἑώσ ἂν ὑμῶν ἐπικρατήσω τῷ κοάξ, βρεκεκεκὲξ κοὰξ κοάξ.

상위

Frogs

목록

일치하는 문장이 없습니다.

SEARCH

MENU NAVIGATION