헬라어 문장 검색 - ΑριστοπήΕξξλεσί08́11́3́

(아리스토파네스, Ecclesiazusae, Lyric-Scene, antistrophe 2 3:)

αὕτη σὺ ποῖ τονδὶ παραβᾶσα τὸν νόμον ἕλκεισ, παρ’ ἐμοὶ τῶν γραμμάτων εἰρηκότων πρότερον καθεύδειν αὐτόν; οἴμοι δείλαιοσ. πόθεν ἐξέκυψασ ὦ κάκιστ’ ἀπολουμένη; τοῦτο γὰρ ἐκείνου τὸ κακὸν ἐξωλέστερον. βάδιζε δεῦρο. μηδαμῶσ με περιίδῃσ ἑλκόμενον ὑπὸ τῆσδ’ ἀντιβολῶ σ’. ἀλλ’ οὐκ ἐγώ, ἀλλ’ ὁ νόμοσ ἕλκει σ’. οὐκ ἐμέ γ’, ἀλλ’ ἔμπουσά τισ ἐξ αἵματοσ φλύκταιναν ἠμφιεσμένη. ἕπου μαλακίων δεῦρ’ ἀνύσασ καὶ μὴ λάλει. ἴθι νυν ἐάσον εἰσ ἄφοδον πρώτιστά με ἐλθόντα θαρρῆσαι πρὸσ ἐμαυτόν· εἰ δὲ μή, αὐτοῦ τι δρῶντα πυρρὸν ὄψει μ’ αὐτίκα ὑπὸ τοῦ δέουσ. θάρρει, βάδιζ’· ἔνδον χεσεῖ. δέδοικα κἀγὼ μὴ πλέον γ’ ἢ βούλομαι. ἀλλ’ ἐγγυητάσ σοι καταστήσω δύο ἀξιόχρεωσ. μή μοι καθίστη. ποῖ σὺ ποῖ χωρεῖσ μετὰ ταύτησ; οὐκ ἔγωγ’, ἀλλ’ ἕλκομαι. ἀτὰρ ἥτισ εἶ γε, πόλλ’ ἀγαθὰ γένοιτό σοι, ὅτι μ’ οὐπεριεῖδεσ ἐπιτριβέντ’. ὦ Ἡράκλεισ ὦ Πᾶνεσ ὦ Κορύβαντεσ ὦ Διοσκόρω, τοῦτ’ αὖ πολὺ τούτου τὸ κακὸν ἐξωλέστερον. ἀτὰρ τί τὸ πρᾶγμ’ ἔστ’ ἀντιβολῶ τουτί ποτε; πότερον πίθηκοσ ἀνάπλεωσ ψιμυθίου, ἢ γραῦσ ἀνεστηκυῖα παρὰ τῶν πλειόνων; μὴ σκῶπτέ μ’ ἀλλὰ δεῦρ’ ἕπου. δευρὶ μὲν οὖν. ὡσ οὐκ ἀφήσω σ’ οὐδέποτ’. οὐδὲ μὴν ἐγώ. διασπάσεσθέ μ’ ὦ κακῶσ ἀπολούμεναι. ἐμοὶ γὰρ ἀκολουθεῖν σ’ ἔδει κατὰ τὸν νόμον. οὐκ ἢν ἑτέρα γε γραῦσ ἔτ’ αἰσχίων φανῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristophanes, Ecclesiazusae, Lyric-Scene, antistrophe 2 3:

(아리스토파네스, Ecclesiazusae, Lyric-Scene, antistrophe 2 3:)

상위

목록

SEARCH

MENU NAVIGATION