Aristophanes, Clouds, Lyric-Scene

(아리스토파네스, Clouds, Lyric-Scene)

πέμπτη, τετράσ, τρίτη, μετὰ ταύτην δευτέρα, εἶθ’ ἣν ἐγὼ μάλιστα πασῶν ἡμερῶν δέδοικα καὶ πέφρικα καὶ βδελύττομαι, εὐθὺσ μετὰ ταύτην ἔσθ’ ἕνη τε καὶ νέα. πᾶσ γάρ τισ ὀμνὺσ οἷσ ὀφείλων τυγχάνω, θείσ μοι πρυτανεῖ’ ἀπολεῖν μέ φησι κἀξολεῖν, κἀμοῦ μέτριά τε καὶ δίκαι’ αἰτουμένου, ὦ δαιμόνιε τὸ μέν τι νυνὶ μὴ λάβῃσ, τὸ δ’ ἀναβαλοῦ μοι, τὸ δ’ ἄφεσ, οὔ φασίν ποτε οὕτωσ ἀπολήψεσθ’, ἀλλὰ λοιδοροῦσί με ὡσ ἄδικόσ εἰμι, καὶ δικάσεσθαί φασί μοι. νῦν οὖν δικαζέσθων· ὀλίγον γάρ μοι μέλει, εἴπερ μεμάθηκεν εὖ λέγειν Φειδιππίδησ. τάχα δ’ εἴσομαι κόψασ τὸ φροντιστήριον. παῖ, ἠμί, παῖ παῖ. Στρεψιάδην ἀσπάζομαι. κἄγωγέ σ’· ἀλλὰ τουτονὶ πρῶτον λαβέ· χρὴ γὰρ ἐπιθαυμάζειν τι τὸν διδάσκαλον. καί μοι τὸν υἱὸν εἰ μεμάθηκε τὸν λόγον ἐκεῖνον εἴφ’ ὃν ἀρτίωσ εἰσήγαγεσ. μεμάθηκεν. εὖ γ’ ὦ παμβασίλει’ Ἀπαιόλη. ὥστ’ ἀποφύγοισ ἂν ἥντιν’ ἂν βούλῃ δίκην. κεἰ μάρτυρεσ παρῆσαν, ὅτ’ ἐδανειζόμην; πολλῷ γε μᾶλλον, κἂν παρῶσι χίλιοι.

일치하는 문장이 없습니다.

SEARCH

MENU NAVIGATION