헬라어 문장 검색 - ΑριστοπήΞλουδσ́06́0́0́

(아리스토파네스, Clouds, Lyric-Scene)

μὰ τὴν Ἀναπνοὴν μὰ τὸ Χάοσ μὰ τὸν Αἔρα οὐκ εἶδον οὕτωσ ἄνδρ’ ἄγροικον οὐδένα οὐδ’ ἄπορον οὐδὲ σκαιὸν οὐδ’ ἐπιλήσμονα· ὅστισ σκαλαθυρμάτι’ ἄττα μικρὰ μανθάνων ταῦτ’ ἐπιλέλησται πρὶν μαθεῖν· ὅμωσ γε μὴν αὐτὸν καλῶ θύραζε δευρὶ πρὸσ τὸ φῶσ. ποῦ Στρεψιάδησ; ἔξει τὸν ἀσκάντην λαβών; ἀλλ’ οὐκ ἐῶσί μ’ ἐξενεγκεῖν οἱ κόρεισ. ἀνύσασ τι κατάθου καὶ πρόσεχε τὸν νοῦν. ἰδού. ἄγε δὴ τί βούλει πρῶτα νυνὶ μανθάνειν ὧν οὐκ ἐδιδάχθησ πώποτ’ οὐδέν; εἰπέ μοι. πότερα περὶ μέτρων ἢ περὶ ἐπῶν ἢ ῥυθμῶν; περὶ τῶν μέτρων ἔγωγ’· ἔναγχοσ γάρ ποτε ὑπ’ ἀλφιταμοιβοῦ παρεκόπην διχοινίκῳ. οὐ τοῦτ’ ἐρωτῶ σ’, ἀλλ’ ὅ τι κάλλιστον μέτρον ἡγεῖ· πότερα τὸ τρίμετρον ἢ τὸ τετράμετρον; ἐγὼ μὲν οὐδὲν πρότερον ἡμιεκτέου. οὐδὲν λέγεισ ὦνθρωπε. περίδου νυν ἐμοί, εἰ μὴ τετράμετρόν ἐστιν ἡμιεκτέον. ἐσ κόρακασ, ὡσ ἄγροικοσ εἶ καὶ δυσμαθήσ. ταχύ γ’ ἂν δύναιο μανθάνειν περὶ ῥυθμῶν. τί δέ μ’ ὠφελήσουσ’ οἱ ῥυθμοὶ πρὸσ τἄλφιτα; πρῶτον μὲν εἶναι κομψὸν ἐν συνουσίᾳ, ἐπαί̈ονθ’ ὁποῖόσ ἐστι τῶν ῥυθμῶν κατ’ ἐνόπλιον, χὠποῖοσ αὖ κατὰ δάκτυλον. κατὰ δάκτυλον; νὴ τὸν Δί’, ἀλλ’ οἶδ’. εἰπὲ δή. τίσ ἄλλοσ ἀντὶ τουτουὶ τοῦ δακτύλου; πρὸ τοῦ μέν, ἔτ’ ἐμοῦ παιδὸσ ὄντοσ, οὑτοσί. ἀγρεῖοσ εἶ καὶ σκαιόσ. οὐ γὰρ ᾠζυρὲ τούτων ἐπιθυμῶ μανθάνειν οὐδέν. τί δαί; ἐκεῖν’ ἐκεῖνο, τὸν ἀδικώτατον λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristophanes, Clouds, Lyric-Scene

(아리스토파네스, Clouds, Lyric-Scene)

상위

목록

SEARCH

MENU NAVIGATION