Aristophanes, Clouds, Choral, anapests 1:

(아리스토파네스, Clouds, Choral, anapests 1:)

σκέψαι τοίνυν ἀπὸ γαστριδίου τυννουτουὶ οἱᾶ πέπορδασ· τὸν δ’ Αἔρα τόνδ’ ὄντ’ ἀπέραντον πῶσ οὐκ εἰκὸσ μέγα βροντᾶν; ταῦτ’ ἄρα καὶ τὠνόματ’ ἀλλήλοιν βροντὴ καὶ πορδὴ ὁμοίω. ἀλλ’ ὁ κεραυνὸσ πόθεν αὖ φέρεται λάμπων πυρί, τοῦτο δίδαξον, καὶ καταφρύγει βάλλων ἡμᾶσ, τοὺσ δὲ ζῶντασ περιφλύει; τοῦτον γὰρ δὴ φανερῶσ ὁ Ζεὺσ ἱήσ’ ἐπὶ τοὺσ ἐπιόρκουσ. καὶ πῶσ ὦ μῶρε σὺ καὶ Κρονίων ὄζων καὶ βεκκεσέληνε, εἴπερ βάλλει τοὺσ ἐπιόρκουσ, δῆτ’ οὐχὶ Σίμων’ ἐνέπρησεν οὐδὲ Κλεώνυμον οὐδὲ Θέωρον; καίτοι σφόδρα γ’ εἴσ’ ἐπίορκοι· ἀλλὰ τὸν αὑτοῦ γε νεὼν βάλλει καὶ Σούνιον ἄκρον Ἀθηνέων καὶ τὰσ δρῦσ τὰσ μεγάλασ· τί μαθών; οὐ γὰρ δὴ δρῦσ γ’ ἐπιορκεῖ. οὐκ οἶδ’· ἀτὰρ εὖ σὺ λέγειν φαίνει. τί γάρ ἐστιν δῆθ’ ὁ κεραυνόσ; ὅταν ἐσ ταύτασ ἄνεμοσ ξηρὸσ μετεωρισθεὶσ κατακλῃσθῇ, ἔνδοθεν αὐτὰσ ὥσπερ κύστιν φυσᾷ, κἄπειθ’ ὑπ’ ἀνάγκησ ῥήξασ αὐτὰσ ἔξω φέρεται σοβαρὸσ διὰ τὴν πυκνότητα, ὑπὸ τοῦ ῥοίβδου καὶ τῆσ ῥύμησ αὐτὸσ ἑαυτὸν κατακάων. νὴ Δί’ ἐγὼ γοῦν ἀτεχνῶσ ἔπαθον τουτί ποτε Διασίοισιν ὀπτῶν γαστέρα τοῖσ συγγενέσιν, κᾆτ’ οὐκ ἔσχων ἀμελήσασ· ἡ δ’ ἄρ’ ἐφυσᾶτ’, εἶτ’ ἐξαίφνησ διαλακήσασα πρὸσ αὐτὼ τὠφθαλμώ μου προσετίλησεν καὶ κατέκαυσεν τὸ πρόσωπον. ὦ τῆσ μεγάλησ ἐπιθυμήσασ σοφίασ ἄνθρωπε παρ’ ἡμῶν, ὡσ εὐδαίμων ἐν Ἀθηναίοισ καὶ τοῖσ Ἕλλησι γενήσει, εἰ μνήμων εἶ καὶ φροντιστὴσ καὶ τὸ ταλαίπωρον ἔνεστιν ἐν τῇ ψυχῇ, καὶ μὴ κάμνεισ μήθ’ ἑστὼσ μήτε βαδίζων, μήτε ῥιγῶν ἄχθει λίαν μήτ’ ἀριστᾶν ἐπιθυμεῖσ, οἴνου τ’ ἀπέχει καὶ γυμνασίων καὶ τῶν ἄλλων ἀνοήτων, καὶ βέλτιστον τοῦτο νομίζεισ, ὅπερ εἰκὸσ δεξιὸν ἄνδρα, νικᾶν πράττων καὶ βουλεύων καὶ τῇ γλώττῃ πολεμίζων. ἀλλ’ οὕνεκά γε ψυχῆσ στερρᾶσ δυσκολοκοίτου τε μερίμνησ καὶ φειδωλοῦ καὶ τρυσιβίου γαστρὸσ καὶ θυμβρεπιδείπνου, ἀμέλει θαρρῶν οὕνεκα τούτων ἐπιχαλκεύειν παρέχοιμ’ ἄν. ἄλλο τι δῆτ’ οὖν νομιεῖσ ἤδη θεὸν οὐδένα πλὴν ἅπερ ἡμεῖσ, τὸ Χάοσ τουτὶ καὶ τὰσ Νεφέλασ καὶ τὴν γλῶτταν, τρία ταυτί; οὐδ’ ἂν διαλεχθείην γ’ ἀτεχνῶσ τοῖσ ἄλλοισ οὐδ’ ἂν ἀπαντῶν· οὐδ’ ἂν θύσαιμ’, οὐδ’ ἂν σπείσαιμ’, οὐδ’ ἐπιθείην λιβανωτόν. λέγε νυν ἡμῖν ὅ τι σοι δρῶμεν θαρρῶν, ὡσ οὐκ ἀτυχήσεισ ἡμᾶσ τιμῶν καὶ θαυμάζων καὶ ζητῶν δεξιὸσ εἶναι. ὦ δέσποιναι δέομαι τοίνυν ὑμῶν τουτὶ πάνυ μικρόν, τῶν Ἑλλήνων εἶναί με λέγειν ἑκατὸν σταδίοισιν ἄριστον. ἀλλ’ ἔσται σοι τοῦτο παρ’ ἡμῶν· ὥστε τὸ λοιπόν γ’ ἀπὸ τουδὶ ἐν τῷ δήμῳ γνώμασ οὐδεὶσ νικήσει πλείονασ ἢ σύ. μὴ ’μοί γε λέγειν γνώμασ μεγάλασ· οὐ γὰρ τούτων ἐπιθυμῶ, ἀλλ’ ὅσ’ ἐμαυτῷ στρεψοδικῆσαι καὶ τοὺσ χρήστασ διολισθεῖν. τεύξει τοίνυν ὧν ἱμείρεισ· οὐ γὰρ μεγάλων ἐπιθυμεῖσ. ἀλλὰ σεαυτὸν θαρρῶν παράδοσ τοῖσ ἡμετέροισ προπόλοισιν.

상위

Clouds

목록

일치하는 문장이 없습니다.

SEARCH

MENU NAVIGATION