Aristophanes, Birds, Lyric-Scene 1:

(아리스토파네스, Birds, Lyric-Scene 1:)

καὶ νὴ Δί’ αἱ νῆτταί γε περιεζωσμέναι ἐπλινθοφόρουν· ἄνω δὲ τὸν ὑπαγωγέα ἐπέτοντ’ ἔχουσαι κατόπιν ὥσπερ παιδία τὸν πηλὸν ἐν τοῖσ στόμασιν αἱ χελιδόνεσ. τί δῆτα μισθωτοὺσ ἂν ἔτι μισθοῖτό τισ; φέρ’ ἴδω, τί δαί; τὰ ξύλινα τοῦ τείχουσ τίνεσ ἀπηργάσαντ’; ὄρνιθεσ ἦσαν τέκτονεσ σοφώτατοι πελεκᾶντεσ, οἳ τοῖσ ῥύγχεσιν ἀπεπελέκησαν τὰσ πύλασ· ἦν δ’ ὁ κτύποσ αὐτῶν πελεκώντων ὥσπερ ἐν ναυπηγίῳ. καὶ νῦν ἅπαντ’ ἐκεῖνα πεπύλωται πύλαισ καὶ βεβαλάνωται καὶ φυλάττεται κύκλῳ, ἐφοδεύεται, κωδωνοφορεῖται, πανταχῇ, φυλακαὶ καθεστήκασι καὶ φρυκτωρίαι ἐν τοῖσι πύργοισ. ἀλλ’ ἐγὼ μὲν ἀποτρέχων ἀπονίψομαι· σὺ δ’ αὐτὸσ ἤδη τἄλλα δρᾶ. οὗτοσ τί ποιεῖσ; ἆρα θαυμάζεισ ὅτι οὕτω τὸ τεῖχοσ ἐκτετείχισται ταχύ; νὴ τοὺσ θεοὺσ ἔγωγε· καὶ γὰρ ἄξιον· ἴσα γὰρ ἀληθῶσ φαίνεταί μοι ψεύδεσιν. ἀλλ’ ὅδε φύλαξ γὰρ τῶν ἐκεῖθεν ἄγγελοσ ἐσθεῖ πρὸσ ἡμᾶσ δεῦρο πυρρίχην βλέπων. ἰοὺ ἰού, ἰοὺ ἰού, ἰοὺ ἰού. τί τὸ πρᾶγμα τουτί; δεινότατα πεπόνθαμεν. τῶν γὰρ θεῶν τισ ἄρτι τῶν παρὰ τοῦ Διὸσ διὰ τῶν πυλῶν εἰσέπτετ’ ἐσ τὸν ἀέρα, λαθὼν κολοιοὺσ φύλακασ ἡμεροσκόπουσ. ὦ δεινὸν ἔργον καὶ σχέτλιον εἰργασμένοσ. τίσ τῶν θεῶν; οὐκ ἴσμεν· ὅτι δ’ εἶχε πτερά, τοῦτ’ ἴσμεν. οὔκουν δῆτα περιπόλουσ ἐχρῆν πέμψαι κατ’ αὐτὸν εὐθύσ; ἀλλ’ ἐπέμψαμεν τρισμυρίουσ ἱέρακασ ἱπποτοξότασ, χωρεῖ δὲ πᾶσ τισ ὄνυχασ ἠγκυλωμένοσ, κερχνῂσ τριόρχησ γὺψ κύμινδισ αἰετόσ· ῥύμῃ τε καὶ πτεροῖσι καὶ ῥοιζήμασιν αἰθὴρ δονεῖται τοῦ θεοῦ ζητουμένου· κἄστ’ οὐ μακρὰν ἄπωθεν, ἀλλ’ ἐνταῦθά που ἤδη ’στίν. οὔκουν σφενδόνασ δεῖ λαμβάνειν καὶ τόξα; χώρει δεῦρο πᾶσ ὑπηρέτησ· τόξευε παῖε, σφενδόνην τίσ μοι δότω.

상위

Birds

목록

SEARCH

MENU NAVIGATION