Aristophanes, Birds, Parodos, monody

ἐποποῖ ποποποποποποποῖ, ἰὼ ἰὼ ἰτὼ ἰτὼ ἰτὼ ἰτὼ, ἴτω τισ ὧδε τῶν ἐμῶν ὁμοπτέρων· ὅσοι τ’ εὐσπόρουσ ἀγροίκων γύασ νέμεσθε, φῦλα μυρία κριθοτράγων σπερμολόγων τε γένη ταχὺ πετόμενα, μαλθακὴν ἱέντα γῆρυν· ὅσα τ’ ἐν ἄλοκι θαμὰ βῶλον ἀμφιτιττυβίζεθ’ ὧδε λεπτὸν ἡδομένᾳ φωνᾷ· τιὸ τιὸ τιὸ τιὸ τιὸ τιὸ τιὸ τιό. ὅσα θ’ ὑμῶν κατὰ κήπουσ ἐπὶ κισσοῦ κλάδεσι νομὸν ἔχει, τά τε κατ’ ὄρεα τά τε κοτινοτράγα τά τε κομαροφάγα, ἀνύσατε πετόμενα πρὸσ ἐμὰν αὐδάν· τριοτὸ τριοτὸ τοτοβρίξ· οἵ θ’ ἑλείασ παρ’ αὐλῶνασ ὀξυστόμουσ ἐμπίδασ κάπτεθ’, ὅσα τ’ εὐδρόσουσ γῆσ τόπουσ ἔχετε λειμῶνά τ’ ἐρόεντα Μαραθῶνοσ, ὄρνισ πτερυγοποίκιλόσ τ’ ἀτταγᾶσ ἀτταγᾶσ. ὧν τ’ ἐπὶ πόντιον οἶδμα θαλάσσησ φῦλα μετ’ ἀλκυόνεσσι ποτῆται, δεῦρ’ ἴτε πευσόμενοι τὰ νεώτερα, πάντα γὰρ ἐνθάδε φῦλ’ ἀθροί̈ζομεν οἰωνῶν ταναοδείρων. ἥκει γὰρ τισ δριμὺσ πρέσβυσ καινὸσ γνώμην καινῶν τ’ ἔργων ἐγχειρητήσ. ἀλλ’ ἴτ’ ἐσ λόγουσ ἅπαντα, δεῦρο δεῦρο δεῦρο δεῦρο. τοροτοροτοροτοροτίξ. κικκαβαῦ κικκαβαῦ. τοροτοροτοροτορολιλιλίξ.