Aristophanes, Acharnians, Episode

(아리스토파네스, Acharnians, Episode)

καὶ μὴν ὁδί τισ τὰσ ὀφρῦσ ἀνεσπακὼσ· ὥσπερ τι δεινὸν ἀγγελῶν ἐπείγεται. ἰὼ πόνοι τε καὶ μάχαι καὶ Λάμαχοι. τίσ ἀμφὶ χαλκοφάλαρα δώματα κτυπεῖ; ἰέναι σ’ ἐκέλευον οἱ στρατηγοὶ τήμερον ταχέωσ λαβόντα τοὺσ λόχουσ καὶ τοὺσ λόφουσ· κἄπειτα τηρεῖν νειφόμενον τὰσ ἐσβολάσ. ὑπὸ τοὺσ Χοᾶσ γὰρ καὶ Χύτρουσ αὐτοῖσί τισ ἤγγειλε λῃστὰσ ἐμβαλεῖν Βοιωτίουσ. ἰὼ στρατηγοὶ πλείονεσ ἢ βελτίονεσ. οὐ δεινὰ μὴ ’ξεῖναί με μηδ’ ἑορτάσαι; ἰὼ στράτευμα πολεμολαμαχαϊκόν. οἴμοι κακοδαίμων καταγελᾷσ ἤδη σύ μου. βούλει μάχεσθαι Γηρυόνῃ τετραπτίλῳ; αἰαῖ οἱάν ὁ κῆρυξ ἀγγελίαν ἤγγειλέ μοι. αἰαῖ τίνα δ’ αὖ μοι προστρέχει τισ ἀγγελῶν; Δικαιόπολι. τί ἔστιν; ἐπὶ δεῖπνον ταχὺ βάδιζε τὴν κίστην λαβὼν καὶ τὸν χοᾶ. ὁ τοῦ Διονύσου γάρ σ’ ἱερεὺσ μεταπέμπεται. ἀλλ’ ἐγκόνει· δειπνεῖν κατακωλύεισ πάλαι. τὰ δ’ ἄλλα πάντ’ ἐστὶν παρεσκευασμένα, κλῖναι τράπεζαι προσκεφάλαια στρώματα στέφανοι μύρον τραγήμαθ’, αἱ πόρναι πάρα, ἄμυλοι πλακοῦντεσ σησαμοῦντεσ ἴτρια, ὀρχηστρίδεσ, τὰ φίλταθ’ Ἁρμοδίου, καλαί. ἀλλ’ ὡσ τάχιστα σπεῦδε. κακοδαίμων ἐγώ.

일치하는 문장이 없습니다.

SEARCH

MENU NAVIGATION