Aristophanes, Acharnians, Lyric-Scene

(아리스토파네스, Acharnians, Lyric-Scene)

εὐφημεῖτε, εὐφημεῖτε. προί̈τω σ’ τὸ πρόσθεν ὀλίγον ἡ κανηφόροσ· ὁ Ξανθίασ τὸν φαλλὸν ὀρθὸν στησάτω. κατάθου τὸ κανοῦν ὦ θύγατερ, ἵν’ ἀπαρξώμεθα. ὦ μῆτερ ἀνάδοσ δεῦρο τὴν ἐτνήρυσιν, ἵν’ ἔτνοσ καταχέω τοὐλατῆροσ τουτουί. καὶ μὴν καλόν γ’ ἔστ’· ὦ Διόνυσε δέσποτα κεχαρισμένωσ σοι τήνδε τὴν πομπὴν ἐμὲ πέμψαντα καὶ θύσαντα μετὰ τῶν οἰκετῶν ἀγαγεῖν τυχηρῶσ τὰ κατ’ ἀγροὺσ Διονύσια, στρατιᾶσ ἀπαλλαχθέντα· τὰσ σπονδὰσ δέ μοι καλῶσ ξυνενεγκεῖν τὰσ τριακοντούτιδασ. ἄγ’ ὦ θύγατερ ὅπωσ τὸ κανοῦν καλὴ καλῶσ οἴσεισ βλέπουσα θυμβροφάγον. ὡσ μακάριοσ ὅστισ σ’ ὀπύσει κἀκποιήσεται γαλᾶσ σοῦ μηδὲν ἥττουσ βδεῖν, ἐπειδὰν ὄρθροσ ᾖ. πρόβαινε, κἀν τὤχλῳ φυλάττεσθαι σφόδρα μή τισ λαθών σου περιτράγῃ τὰ χρυσία. ὦ Ξανθία, σφῷν δ’ ἐστὶν ὀρθὸσ ἑκτέοσ ὁ φαλλὸσ ἐξόπισθε τῆσ κανηφόρου· ἐγὼ δ’ ἀκολουθῶν ᾄσομαι τὸ φαλλικόν· σὺ δ’ ὦ γύναι θεῶ μ’ ἀπὸ τοῦ τέγουσ. πρόβα.

상위

Acharnians

목록

일치하는 문장이 없습니다.

SEARCH

MENU NAVIGATION