살아있는 헬라어 - 아리스토텔레스, Clouds, Lyric-Scene, iambics

(아리스토텔레스, Clouds, Lyric-Scene, iambics)

φοβεῖ δὲ δὴ τί; τὴν ἕνην τε καὶ νέαν. ἕνη γάρ ἐστι καὶ νέα τισ ἡμέρα; εἰσ ἥν γε θήσειν τὰ πρυτανεῖά φασί μοι. ἀπολοῦσ’ ἄρ’ αὔθ’ οἱ θέντεσ· οὐ γὰρ ἔσθ’ ὅπωσ μί’ ἡμέρα γένοιτ’ ἂν ἡμέρα δύο. οὐκ ἂν γένοιτο; πῶσ γάρ; εἰ μή πέρ γ’ ἅμα αὑτὴ γένοιτ’ ἂν γραῦσ τε καὶ νέα γυνή. καὶ μὴν νενόμισταί γ’. οὐ γάρ, οἶμαι, τὸν νόμον ἴσασιν ὀρθῶσ ὅ τι νοεῖ. νοεῖ δὲ τί; ὁ Σόλων ὁ παλαιὸσ ἦν φιλόδημοσ τὴν φύσιν. τουτὶ μὲν οὐδέν πω πρὸσ ἕνην τε καὶ νέαν. ἐκεῖνοσ οὖν τὴν κλῆσιν ἐσ δύ’ ἡμέρασ ἔθηκεν, ἔσ γε τὴν ἕνην τε καὶ νέαν, ἵν’ αἱ θέσεισ γίγνοιντο τῇ νουμηνίᾳ. ἵνα δὴ τί τὴν ἕνην προσέθηχ’; ἵν’ ὦ μέλε παρόντεσ οἱ φεύγοντεσ ἡμέρᾳ μιᾷ πρότερον ἀπαλλάττοινθ’ ἑκόντεσ, εἰ δὲ μή, ἑώθεν ὑπανιῷντο τῇ νουμηνία. πῶσ οὐ δέχονται δῆτα τῇ νουμηνίᾳ ἁρχαὶ τὰ πρυτανεῖ’, ἀλλ’ ἕνῃ τε καὶ νέᾳ; ὅπερ οἱ προτένθαι γὰρ δοκοῦσί μοι ποιεῖν· ὅπωσ τάχιστα τὰ πρυτανεῖ’ ὑφελοίατο, διὰ τοῦτο προὐτένθευσαν ἡμέρᾳ μιᾷ. εὖ γ’· ὦ κακοδαίμονεσ, τί κάθησθ’ ἀβέλτεροι, ἡμέτερα κέρδη τῶν σοφῶν ὄντεσ, λίθοι, ἀριθμόσ, πρόβατ’ ἄλλωσ, ἀμφορῆσ νενησμένοι; ὥστ’ εἰσ ἐμαυτὸν καὶ τὸν υἱὸν τουτονὶ ἐπ’ εὐτυχίαισιν ᾀστέον μοὐγκώμιον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aristotle, Clouds, Lyric-Scene, iambics

(아리스토텔레스, Clouds, Lyric-Scene, iambics)

상위

목록

SEARCH

MENU NAVIGATION