Aristotle, Birds, Episode, lyric

(아리스토텔레스, Birds, Episode, lyric)

ὄρνιθεσ τίνεσ οὐδὲν ἔχοντεσ πτεροποίκιλοι, τανυσίπτερε ποικίλα χελιδοῖ; τουτὶ τὸ κακὸν οὐ φαῦλον ἐξεγρήγορεν. ὅδ’ αὖ μινυρίζων δεῦρό τισ προσέρχεται. τανυσίπτερε ποικίλα μάλ’ αὖθισ. ἐσ θοἰμάτιον τὸ σκόλιον ᾄδειν μοι δοκεῖ, δεῖσθαι δ’ ἐοίκεν οὐκ ὀλίγων χελιδόνων. τίσ ὁ πτερῶν δεῦρ’ ἐστὶ τοὺσ ἀφικνουμένουσ; ὁδὶ πάρεστιν· ἀλλ’ ὅτου δεῖ χρὴ λέγειν. πτερῶν πτερῶν δεῖ· μὴ πύθῃ τὸ δεύτερον. μῶν εὐθὺ Πελλήνησ πέτεσθαι διανοεῖ; μὰ Δί’ ἀλλὰ κλητήρ εἰμι νησιωτικὸσ καὶ συκοφάντησ ‐ ὦ μακάριε τῆσ τέχνησ. καὶ πραγματοδίφησ. εἶτα δέομαι πτερὰ λαβὼν κύκλῳ περισοβεῖν τὰσ πόλεισ καλούμενοσ. ὑπὸ πτερύγων τι προσκαλεῖ σοφώτερον; μὰ Δί’ ἀλλ’ ἵν’ οἱ λῃσταί τε μὴ λυπῶσί με, μετὰ τῶν γεράνων τ’ ἐκεῖθεν ἀναχωρῶ πάλιν, ἀνθ’ ἑρ́ματοσ πολλὰσ καταπεπωκὼσ δίκασ. τουτὶ γὰρ ἐργάζει σὺ τοὔργον; εἰπέ μοι, νεανίασ ὢν συκοφαντεῖσ τοὺσ ξένουσ; τί γὰρ πάθω; σκάπτειν γὰρ οὐκ ἐπίσταμαι. ἀλλ’ ἔστιν ἕτερα νὴ Δί’ ἔργα σώφρονα, ἀφ’ ὧν διαζῆν ἄνδρα χρῆν τοσουτονὶ ἐκ τοῦ δικαίου μᾶλλον ἢ δικορραφεῖν. ὦ δαιμόνιε μὴ νουθέτει μ’ ἀλλὰ πτέρου. νῦν τοι λέγων πτερῶ σε. καὶ πῶσ ἂν λόγοισ ἄνδρα πτερώσειασ σύ; πάντεσ τοῖσ λόγοισ ἀναπτεροῦνται. πάντεσ; οὐκ ἀκήκοασ, ὅταν λέγωσιν οἱ πατέρεσ ἑκάστοτε τοῖσ μειρακίοισ ἐν τοῖσι κουρείοισ ταδί; δεινῶσ γέ μου τὸ μειράκιον Διειτρέφησ λέγων ἀνεπτέρωκεν ὥσθ’ ἱππηλατεῖν. ὁ δέ τισ τὸν αὑτοῦ φησιν ἐπὶ τραγῳδίᾳ ἀνεπτερῶσθαι καὶ πεποτῆσθαι τὰσ φρένασ. λόγοισί τἄρα καὶ πτεροῦνται; φήμ’ ἐγώ. ὑπὸ γὰρ λόγων ὁ νοῦσ τε μετεωρίζεται ἐπαίρεταί τ’ ἄνθρωποσ. οὕτω καί σ’ ἐγὼ ἀναπτερώσασ βούλομαι χρηστοῖσ λόγοισ τρέψαι πρὸσ ἔργον νόμιμον. ἀλλ’ οὐ βούλομαι. τί δαὶ ποιήσεισ; τὸ γένοσ οὐ καταισχυνῶ. παππῷοσ ὁ βίοσ συκοφαντεῖν ἐστί μοι. ἀλλὰ πτέρου με ταχέσι καὶ κούφοισ πτεροῖσ ἱέρακοσ ἢ κερχνῇδοσ, ὡσ ἂν τοὺσ ξένουσ καλεσάμενοσ κᾆτ’ ἐγκεκληκὼσ ἐνθαδὶ κατ’ αὖ πέτωμαι πάλιν ἐκεῖσε. μανθάνω. ὡδὶ λέγεισ· ὅπωσ ἂν ὠφλήκῃ δίκην ἐνθάδε πρὶν ἥκειν ὁ ξένοσ. πάνυ μανθάνεισ. κἄπειθ’ ὁ μὲν πλεῖ δεῦρο, σὺ δ’ ἐκεῖσ’ αὖ πέτει ἁρπασόμενοσ τὰ χρήματ’ αὐτοῦ. πάντ’ ἔχεισ. βέμβικοσ οὐδὲν διαφέρειν δεῖ. μανθάνω βέμβικα· καὶ μὴν ἔστι μοι νὴ τὸν Δία κάλλιστα Κορκυραῖα τοιαυτὶ πτερά. οἴμοι τάλασ μάστιγ’ ἔχεισ. πτερὼ μὲν οὖν, οἷσί σε ποιήσω τήμερον βεμβικιᾶν. οἴμοι τάλασ. οὐ πτερυγιεῖσ ἐντευθενί; οὐκ ἀπολιβάξεισ ὦ κάκιστ’ ἀπολούμενοσ; πικρὰν τάχ’ ὄψει στρεψοδικοπανουργίαν. ἀπίωμεν ἡμεῖσ ξυλλαβόντεσ τὰ πτερά.

상위

Birds

목록

SEARCH

MENU NAVIGATION