Aristides, Aelius, Orationes, Περὶ τοῦ παραφθέγματος 11:

(아리스티데스, 아일리오스, 연설, Περὶ τοῦ παραφθέγματος 11:)

ἢ ταῦτ’ οὐκ εἰσ αὑτόν σοι δοκεῖ λέγειν; ἀλλὰ θεὸσ μορφὴν ἔπεσι στέφει· οἱ δέ τ’ ἐσ αὐτὸν τερπόμενοι λεύσσουσιν, ὁ δ’ ἀσφαλέωσ ἀγορεύει αἰδοῖ μειλιχίῃ, μέγα δ’ ἐμπρέπει ἀγρομένοισιν· ἐρχόμενον δ’ ἀνὰ ἄστυ θεὸν ὣσ εἰσορόωσι. καὶ μὴν ὅτι γ’ εἰσ αὑτὸν αὐτῷ ταῦτα ἔχει δῆλον ἐκ τοῦ ἑτέρου τοῦ ἐναντίου. φησὶ γὰρ ὣσ καὶ σοὶ εἶδοσ μὲν ἀριπρεπέσ. τὸ μὲν γὰρ ἐκείνῳ δίδωσι δυοῖν ὄντοιν, τὸ δ’ αὑτῷ, τὸ λοιπόν. καὶ ταῦτ’ οὐχ ὑπ’ αὐθαδείασ, ὦ σοφίασ ὄφελοσ σὺ καὶ μέγα κῦδοσ Ἀχαιῶν, οὐδὲ τηνάλλωσ ἐκεῖνοσ διεξῄει τῷ θυμῷ παραδοὺσ ἑαυτὸν, ἀλλ’ ἐπιστρέψαι βουλόμενοσ τὸ μειράκιον, τεθραμμένον ἐν τρυφῇ καὶ πολὺ τῆσ ἀληθείασ διημαρτηκόσ. καὶ ὡσ ἐοίκεν ὤνησε. μεταγιγνώσκει τε γὰρ οὐκ εἰσ μακρὰν καὶ πατέρα αὐτὸν ἀντὶ τῶν προτέρων ἐκείνων καλεῖ καὶ εἰσ διαλλαγὰσ ἔρχεται. πάλιν δ’ αὖ περὶ τῆσ ἐν τοῖσ ἄθλοισ ἕξεωσ αὐτοῦ λέγων, ἄντικρυσ ὥσπερ Νέστωρ ἐν Ἰλιάδι, καθ’ ἕκαστον διελόμενοσ ὁπόσον κρατοίη λέγει πάντα γὰρ οὐ κακόσ εἰμι, μετ’ ἀνδράσιν ὅσσοι ἀέθλοι. εὖ μὲν τόξον οἶδα ἐύ̈ξοον ἀμφαφάασθαι, πρῶτόσ κ’ ἄνδρα βάλοιμι ὀϊστεύσασ ἐν ὁμίλῳ ἀνδρῶν δυσμενέων, εἰ καὶ μάλα πολλοὶ ἑταῖροι ἄγχι παρασταῖεν καὶ τοξαζοίατο φωτῶν· δουρὶ δ’ ἀκοντίζω ὅσον οὐκ ἄλλοσ τισ ὀϊστῷ. ταῦτα μὲν ἐν τῇ θέᾳ τῶν Φαιάκων, πρὶν καὶ τοὔνομα εἰπεῖν πρὸσ αὐτοὺσ ὅ τι ἐστὶν αὐτῷ. ἐρωτηθεὶσ δὲ καὶ τοῦτο ἐν τῷ δείπνῳ εἴμ’ Ὀδυσεὺσ, ἔφη, Λαερτιάδησ, ὃσ πᾶσι δόλοισιν ἀνθρώποισι μέλω, καί μευ κλέοσ οὐρανὸν ἵκει· εὖ εἰδὼσ ὅτι οὐχ ὁμοίωσ Φαίακεσ ἀκούσονται αὐτοῦ τῶν λόγων, ἕνα τε εἶναι τῶν πολλῶν νομίζοντεσ καὶ προλαβόντεσ ἐν ταῖσ γνώμαισ ὅτι νῦν αὑτοῖσ τῶν Ἑλλήνων ὁ ἄριστοσ διαλέγοιτο. οὐκ ᾐσχύνετο οὖν ἑαυτὸν ἐπαινῶν, εἴπερ γε μηδ’ ἑτέρουσ ὠφελῶν. οὕτω μὲν αὐτοί τε οἱ ποιηταὶ φρονοῦσιν ἐφ’ αὑτοῖσ καὶ οἱ ἄνδρεσ περὶ ὧν διαλέγονται, καὶ οὓσ μάλιστα παρ’ αὐτῶν ἐπαινοῦσιν οἱ ποιηταί. εἰ δὲ δή τισ ἔροιτό σε πότερον τοὺσ τὰ ψευδῆ περὶ αὑτῶν λέγοντασ κακίζεισ, ἢ καὶ τοὺσ ὁπωσοῦν, εἰ μὲν ἐκείνωσ ἐρεῖσ, ἔλεγχε ὡσ ἡμεῖσ ταῦτα ἐψευδόμεθα, εἰ δ’ ὅλωσ, ἐὰν γρύζῃ τισ, σκόπει τί τῷ δευτέρῳ χρήσει.

상위

Aristides, Aelius (아리스티데스, 아일리오스)

목록

일치하는 문장이 없습니다.

SEARCH

MENU NAVIGATION