Appian, The Foreign Wars, chapter 6 1:

(아피아노스, The Foreign Wars, chapter 6 1:)

Αἰσθόμενοσ δὲ τοὺσ ἐν ἄστει μᾶλλόν τι πεπιεσμένουσ, καὶ κτήνη πάντα καταθύσαντασ, δέρματά τε καὶ βύρσασ ἕψοντασ καὶ λιχμωμένουσ τὸ γιγνόμενον ἐξ αὐτῶν, τινὰσ δὲ καὶ τῶν ἀποθνησκόντων ἁπτομένουσ, ἐκέλευσε τῷ στρατῷ τὴν πόλιν περιταφρεύειν, ἵνα μηδὲ καθ’ ἕνα τισ ἐκφεύγοι λανθάνων. τῇ δὲ ἑξῆσ ὁ Σύλλασ τοὺσ μὲν δούλουσ ἀπέδοτο, τοῖσ δ’ ἐλευθέροισ, ὅσοι νυκτὸσ ἐπιλαβούσησ οὐκ ἔφθασαν ἀναιρεθῆναι, πάμπαν οὖσιν ὀλίγοισ, τὴν μὲν ἐλευθερίαν ἔφη διδόναι, ψῆφον δὲ καὶ χειροτονίαν τῶνδε μὲν ὡσ οἱ πεπολεμηκότων ἀφαιρεῖσθαι, τοῖσ δ’ ἐκγόνοισ καὶ ταῦτα διδόναι. ὡσ δὲ καὶ τοῦτο ἐξείργαστο αὐτῷ, κλίμακασ ἐπῆγεν ὁμοῦ καὶ τὸ τεῖχοσ διώρυττεν. τροπῆσ δ’ ὡσ ἐν ἀσθενέσιν ἀνδράσιν αὐτίκα γενομένησ, ἐσέπεσεν ἐσ τὴν πόλιν, καὶ εὐθὺσ ἐν Ἀθήναισ σφαγὴ πολλὴ ἦν καὶ ἀνηλεήσ· οὔτε γὰρ ὑποφεύγειν ἐδύναντο δι’ ἀτροφίαν, οὔτε παιδίων ἢ γυναικῶν ἔλεοσ ἦν, τοῦ Σύλλα τὸν ἐν ποσὶν ἀναιρεῖν κελεύοντοσ ὑπ’ ὀργῆσ ὡσ ἐπὶ ταχείᾳ δὴ καὶ ἐσ βαρβάρουσ ἀλόγῳ μεταβολῇ καὶ πρὸσ αὑτὸν ἀκράτῳ φιλονεικίᾳ. ὅθεν οἱ πλέονεσ, αἰσθανόμενοι τοῦ κηρύγματοσ, ἑαυτοὺσ τοῖσ σφαγεῦσιν ὑπερρίπτουν ἐσ τὸ ἔργον. ὀλίγων δ’ ἦν ἀσθενὴσ ἐσ τὴν ἀκρόπολιν δρόμοσ· καὶ Ἀριστίων αὐτοῖσ συνέφυγεν, ἐμπρήσασ τὸ ᾠδεῖον, ἵνα μὴ ἑτοίμοισ ξύλοισ αὐτίκα ὁ Σύλλασ ἔχοι τὴν ἀκρόπολιν ἐνοχλεῖν. ὁ δ’ ἐμπιπράναι μὲν τὴν πόλιν ἀπεῖπε, διαρπάσαι δὲ ἔδωκε τῷ στρατῷ· καὶ ἕτοιμοι σάρκεσ ἀνθρώπων ἐσ τροφὴν ἐν πολλοῖσ οἰκήμασιν ηὑρέθησαν.

SEARCH

MENU NAVIGATION