호흡부호 보기
강세부호 보기
장단부호 보기
작은 Iota 보기
모든 부호 보기
Ὁ δ’ Ἀντίοχοσ ἐκ Πισιδῶν ἐσ τὴν Ἔφεσον ἐπανῄει, καὶ χρηματίσασ τοῖσ Ῥωμαίων πρέσβεσι Ῥοδίουσ μὲν καὶ Βυζαντίουσ καὶ Κυζικηνούσ, καὶ ὅσοι ἄλλοι περὶ τὴν Ἀσίαν εἰσὶν Ἕλληνεσ, αὐτονόμουσ ἐπηγγείλατο ἐάσειν, εἰ γίγνοιντο αὑτῷ συνθῆκαι πρὸσ Ῥωμαίουσ, Αἰολέασ δὲ καὶ Ιὤνασ οὐ συνεχώρει ὡσ ἐκ πολλοῦ καὶ τοῖσ βαρβάροισ βασιλεῦσι τῆσ Ἀσίασ εἰθισμένουσ ὑπακούειν. οἱ μὲν δὴ Ῥωμαίων πρέσβεισ ἐσ οὐδὲν αὐτῷ συμβαίνοντεσ οὑ̓ γὰρ ἐπ’ ἔργῳ συμβάσεων ἐληλύθεσαν ἀλλ’ ἐσ ἀπόπειραν̓ ᾤχοντο ἐσ Ῥώμην· Ἀντιόχῳ δ’ ἧκον Αἰτωλῶν πρέσβεισ, ὧν Θόασ ἦρχεν, αὐτοκράτορά τε στρατηγὸν Αἰτωλῶν Ἀντίοχον ἀποφαίνοντεσ, καὶ διαπλεῖν ἐσ τὴν Ἑλλάδα ἤδη παρακαλοῦντεσ ὡσ ἐπὶ ἔργον ἕτοιμον. οὐδὲ εἰών ἀναμένειν τὴν στρατιὰν ἀπὸ τῆσ Ἀσίασ τῆσ ἄνω κατιοῦσαν, ἀλλὰ τὰ Αἰτωλῶν ὑπερεπαίροντεσ, καὶ Λακεδαιμονίουσ ἐπαγγελλόμενοι σφίσι καὶ Φίλιππον ἐπὶ τοῖσ Λακεδαιμονίοισ τὸν Μακεδόνα, Ῥωμαίοισ μηνίοντα, συμμαχήσειν, ἐπέσπερχον ἐσ τὴν διάβασιν. ὁ δ’ ἠρεθίζετο μάλα κουφόνωσ, καὶ οὐδὲ τοῦ παιδὸσ αὐτῷ προσαγγελθέντοσ ἐν Συρίᾳ τεθνάναι τῆσ ὁρμῆσ τι ἐνδούσ, διέπλει μετὰ μυρίων ὧν τότε εἶχε μόνων ἐσ Εὔβοιαν. καὶ τήνδε μὲν αὐτὸσ παρεστήσατο ἅπασαν, ἐνδοῦσαν ὑπὸ ἐκπλήξεωσ· Μικιθίων δέ, αὐτοῦ στρατηγόσ, τοῖσ περὶ Δήλιον Ῥωμαίοισ ἐπιπεσὼν ἱ̔ερὸν δ’ ἐστὶ τὸ χωρίον Ἀπόλλωνοσ̓ τοὺσ μὲν αὐτῶν ἔκτεινε, τοὺσ δ’ ἐζώγρησεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기