Appian, The Foreign Wars, chapter 7 10:

(아피아노스, The Foreign Wars, chapter 7 10:)

Ὁ δ’ ἐπανῄει πεφραγμένοσ Ἴβηρσι καὶ Κελτοῖσ ἀπὸ του λόφου. καὶ ὁ Σκιπίων αὖθισ ἐκ τῆσ διώξεωσ τοὺσ Ῥωμαίουσ ἀνεκάλει μετὰ σπουδῆσ, καὶ παρέτασσε πολὺ πλείονασ τῶν ἀπὸ τοῦ λόφου καταβεβηκότων· ὅθεν αὐτῶν οὐ δυσχερῶσ περιεγίγνετο. Ἀννίβασ δὲ καὶ τῆσδε τῆσ πείρασ τελευταίασ γενομένησ ἀποτυχών, ἔφευγεν ἤδη σαφῶσ ἀπογνοὺσ ἅπαντα. καὶ αὐτὸν ἐδίωκον ἱππεῖσ ἄλλοι τε πολλοὶ καὶ Μασσανάσσησ, περιώδυνοσ ὢν ἐκ τοῦ τραύματοσ, ἀεί τε πλησιάζων, καὶ μέγα ποιούμενοσ αἰχμάλωτον Ἀννίβαν ἀγαγεῖν Σκιπίωνι. τὸν δὲ νὺξ ἐρρύσατο, καὶ σκότιοσ μετ’ εἴκοσιν ἱππέων, τῶν δυνηθέντων σὺν αὐτῷ συνανύσαι τὸν δρόμον, ἐσ πόλιν κατέφυγεν ᾗ ὄνομα Θῶν, ἔνθα Βρεττίων ἔγνω καὶ Ἰβήρων ἱππέασ πολλοὺσ ἀπὸ τῆσ ἥττησ συμπεφευγότασ. δείσασ οὖν περὶ μὲν τῶν Ἰβήρων ὡσ βαρβάρων ταχυέργων, περὶ δὲ Βρεττίων ὡσ Ἰταλῶν ὁμοεθνῶν Σκιπίωνι, μὴ ἐσ συγγνώμην ὧν ἐξήμαρτον ἐσ τὴν Ἰταλίαν, προσαγάγωσιν αὐτὸν τῷ Σκιπίωνι, λαθὼν ἐξέφυγε μεθ’ ἑνὸσ ἱππέωσ, ᾧ μάλιστ’ ἐπίστευεν. σταδίουσ δ’ ἀνύσασ ἐσ τρισχιλίουσ δύο νυξί τε καὶ ἡμέραισ, ἧκεν ἐσ πόλιν ἐπὶ θαλάσσησ Ἀδρυμητόν, ἔνθα τι μέροσ ἦν αὐτῷ στρατιᾶσ σιτοφυλακοῦν. περιπέμπων δ’ ἐσ τὰ πλησίον, καὶ τοὺσ ἐκ τῆσ μάχησ διαφυγόντασ ἀναλαμβάνων, ὅπλα καὶ μηχανήματα εἰργάζετο.

SEARCH

MENU NAVIGATION