호흡부호 보기
강세부호 보기
장단부호 보기
작은 Iota 보기
모든 부호 보기
Ὁ δ’ Ἀννίβασ ἐπεὶ τῆσ πείρασ ἀπέτυχεν, ἐσ Λευκανοὺσ διελθὼν ἐχείμαζε, καὶ ἐπὶ τρυφῆσ ἦν οὐ συνήθουσ, ἐρωμένην τε εἶχεν ἄγριοσ ἀνήρ. καὶ εὐθὺσ αὐτῷ κατ’ ὀλίγον ἐτρέπετο πάντα. Φούλουιοσ δ’ ἐσ Καπύην πρὸσ τὸν συστράτηγον ἐπανῄει, καὶ τοῖσ Καπυαίοισ προσέβαλλον ἄμφω καρτερῶσ, ἐπειγόμενοι χειμῶνοσ ἑλεῖν τὴν πόλιν, ἑώσ Ἀννίβασ ἠρεμεῖ. Καπυαῖοι δέ, τῶν τροφῶν σφᾶσ ἐπιλειπουσῶν καὶ οὐδαμόθεν ἄλλων ἐπεισαγομένων, ἐνεχείρισαν ἑαυτοὺσ τοῖσ στρατηγοῖσ· ἐνεχείρισαν δὲ καὶ ὅσοι Λιβύων αὐτοὺσ ἐφρούρουν, αὐτοῖσ στρατηγοῖσ, Ἄννωνι ἑτέρῳ καὶ Βώσταρι. Ῥωμαῖοι δὲ τῇ μὲν πόλει φρουρὰν ἐπέστησαν, καὶ ὅσουσ ηὑρ͂ον αὐτομολοῦντασ, χεῖρασ αὐτῶν ἀπέτεμον· Λιβύων δὲ τοὺσ μὲν ἐπιφανεῖσ ἐσ Ῥώμην ἔπεμψαν, τοὺσ δὲ λοιποὺσ ἀπέδοντο. καὶ Καπυαίων αὐτῶν τοὺσ μὲν αἰτίουσ μάλιστα τῆσ ἀποστάσεωσ ἀπέκτειναν, τῶν δ’ ἄλλων τὴν γῆν ἀφείλοντο μόνον. εὔφοροσ δ’ ἐστὶν ἐσ σῖτον ἡ περὶ τὴν Καπύην πᾶσα· πεδιὰσ γάρ ἐστιν. Καπύη μὲν δὴ πάλιν ἐσ Ῥωμαίουσ ἐπανῆκτο, καὶ μέγα τοῦτο Λιβύων ἐσ τὴν Ἰταλίαν πλεονέκτημα περιῄρητο.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기