호흡부호 보기
강세부호 보기
장단부호 보기
작은 Iota 보기
모든 부호 보기
Καὶ ὁ Νωβελίων μικρὸν ἐκ τοῦ πταίσματοσ ἀναλαβών, ἀγορᾷ μέν τινι τῶν πολεμίων ἐπεχείρει περὶ Ἀξείνιον πόλιν σεσωρευμένῃ, οὐδὲν δὲ ἀνύσασ, ἀλλὰ κἀνταῦθα πολλοὺσ ἀποβαλών, ἐπανῆλθε νυκτὸσ ἐσ τὸ στρατόπεδον. ὅθεν Βιήσιον ἵππαρχον ἐπὶ συμμαχίαν ἔσ τι γειτονεῦον ἔθνοσ ἔπεμπεν, ἱππέων δεόμενοσ. οἱ δὲ συνέπεμψαν αὐτῷ τινὰσ ἱππέασ, οὓσ ἐρχομένουσ ἐλόχων οἱ Κελτίβηρεσ. καὶ τῆσ ἐνέδρασ ἐκφανείσησ οἱ μὲν σύμμαχοι διεδίδρασκον, ὁ δὲ Βιήσιοσ μαχόμενοσ αὐτόσ τε καὶ σὺν αὐτῷ πολλοὶ Ῥωμαίων ἀπέθανον. συνεχῶν δὲ τοιῶνδε πταισμάτων αὐτοῖσ ἐπιγιγνομένων, πόλισ Ὄκιλισ, ἔνθα ἡ ἀγορὰ καὶ τὰ χρήματα ἦν τὰ Ῥωμαίων, μετέθετο ἐσ τοὺσ Κελτίβηρασ. καὶ ὁ Νωβελίων ἀπιστῶν ἅπασιν ἐν τῷ στρατοπέδῳ διεχείμαζε, στεγάσασ ὡσ ἐδύνατο, καὶ τὴν ἀγορὰν ἔχων ἔνδον, καὶ κακοπαθῶν αὐτῆσ τε τῆσ ἀγορᾶσ τῇ ὀλιγότητι καὶ νιφετοῦ πυκνότητι καὶ κρύουσ χαλεπότητι, ὥστε πολλοὶ τῶν στρατιωτῶν οἱ μὲν ἐν τοῖσ φρυγανισμοῖσ, οἱ δὲ καὶ ἔνδον ὑπὸ στενοχωρίασ καὶ κρύουσ ἀπώλλυντο.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기