호흡부호 보기
강세부호 보기
장단부호 보기
작은 Iota 보기
모든 부호 보기
Στρατηγοὺσ δὲ Ἰβηρίασ ἐτησίουσ ἐσ τὰ ἔθνη τὰ εἰλημμένα ἔπεμπον ἀπὸ τοῦδε ἀρξάμενοι, μικρὸν πρὸ τῆσ τετάρτησ καὶ τεσσαρακοστῆσ καὶ ἑκατοστῆσ ὀλυμπιάδοσ, ἁρμοστὰσ ἢ ἐπιστάτασ αὐτοῖσ τῆσ εἰρήνησ ἐσομένουσ. καὶ αὐτοῖσ ὁ Σκιπίων ὀλίγην στρατιὰν ὡσ ἐπὶ εἰρήνῃ καταλιπών, συνῴκισε τοὺσ τραυματίασ ἐσ πόλιν, ἣν ἀπὸ τῆσ Ἰταλίασ Ἰταλικὴν ἐκάλεσε· καὶ πατρίσ ἐστι Τραϊανοῦ τε καὶ Ἀδριανοῦ τῶν ὕστερον Ῥωμαίοισ ἀρξάντων τὴν αὐτοκράτορα ἀρχήν. αὐτὸσ δὲ ἐσ Ῥώμην ἐπὶ στόλου πολλοῦ διέπλει, λαμπρῶσ τε κεκοσμημένου καὶ καταγέμοντοσ αἰχμαλώτων ὁμοῦ καὶ χρημάτων καὶ ὅπλων καὶ λαφύρων ποικίλων. καὶ ἡ πόλισ αὐτὸν ἐπιφανῶσ ἐξεδέχετο μετὰ δόξησ ἀοιδίμου τε καὶ παραλόγου διά τε νεότητα καὶ ταχυεργίαν καὶ μέγεθοσ εὐπραξίασ. οἵ τε φθονοῦντεσ αὐτῷ τὴν πάλαι κουφολογίαν ὡμολόγουν ἐσ ἔργον ἀποβῆναι. καὶ Σκιπίων μὲν θαυμαζόμενοσ ἐθριάμβευεν, Ἰνδίβιλισ δὲ οἰχομένου τοῦ Σκιπίωνοσ αὖθισ ἀφίστατο. καὶ αὐτὸν οἱ στρατηγοὶ τῆσ Ἰβηρίασ, τὸν στρατὸν ἀγείραντεσ ὅσοσ αὐτοῖσ ἦν περὶ τὰ φρούρια, καὶ δύναμιν ἄλλην ἀπὸ τῶν ὑπηκόων συναγαγόντεσ, ἔκτειναν. τοὺσ δ’ αἰτίουσ τῆσ ἀποστάσεωσ ἐσ κρίσιν παραγαγόντεσ θανάτῳ μετῆλθον, καὶ τὰ ὄντα αὐτοῖσ ἐδήμευσαν. τά τε ἔθνη τὰ συναράμενα αὐτῷ χρήμασιν ἐζημίωσαν, καὶ τὰ ὅπλα αὐτῶν παρείλοντο, καὶ ὅμηρα ᾔτησαν, καὶ φρουρὰσ δυνατωτέρασ αὐτοῖσ ἐπέστησαν. καὶ τάδε μὲν ἦν εὐθὺσ μετὰ Σκιπίωνα, καὶ ἡ πρώτη Ῥωμαίων ἐσ Ἰβηρίαν πεῖρα ἐσ τοῦτο ἔληγε.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기