Appian, The Civil Wars, book 5, chapter 2 2:

(아피아노스, The Civil Wars, book 5, chapter 2 2:)

Ὁ δὲ Καῖσαρ ταῖσ πόλεσιν ἐξελογεῖτο τὴν ἀνάγκην, καὶ ἐδόκουν οὐδ’ ὣσ ἀρκέσειν. οὐδ’ ἤρκουν, ἀλλὰ ὁ στρατὸσ καὶ τοῖσ γείτοσιν ἐπέβαινε σὺν ὕβρει, πλέονά τε τῶν διδομένων σφίσι περισπώμενοι καὶ τὸ ἄμεινον ἐκλεγόμενοι. οὐδὲ ἐπιπλήσσοντοσ αὐτοῖσ καὶ δωρουμένου πολλὰ ἄλλα τοῦ Καίσαροσ ἐπαύοντο, ἐπεὶ καὶ τῶν ἀρχόντων, ὡσ δεομένων σφῶν ἐσ τὸ ἐγκρατὲσ τῆσ ἀρχῆσ, κατεφρόνουν. καὶ γὰρ αὐτοῖσ ἡ πενταετία παρώδευε, καὶ τὸ ἀσφαλὲσ ἡ χρεία συνῆγεν ἀμφοτέροισ παρ’ ἀλλήλων, τοῖσ μὲν ἡγεμόσιν ἐσ τὴν ἀρχὴν παρὰ τοῦ στρατοῦ, τῷ στρατῷ δὲ ἐσ τὴν ἐπικράτησιν ὧν ἔλαβον, ἡ τῶν δεδωκότων ἀρχὴ παραμένουσα. ὡσ γὰρ αὐτῶν οὐ βεβαίωσ ἐπικρατήσοντεσ, εἰ μὴ βεβαίωσ ἄρχοιεν οἱ δόντεσ, ὑπερεμάχουν ἀπ’ εὐνοίασ ἀναγκαίου. πολλὰ δὲ καὶ ἄλλα τοῖσ ἀπορουμένοισ αὐτῶν ἐδωρεῖτο, δανειζόμενοσ ἐκ τῶν ἱερῶν, ὁ Καῖσαρ. ὅθεν τὴν γνώμην ὁ στρατὸσ ἐσ αὐτὸν ἐπέστρεφε, καὶ πλείων ὑπήντα χάρισ ὡσ γῆν ἅμα καὶ πόλεισ καὶ χρήματα καὶ οἰκήματα δωρουμένῳ καὶ καταβοωμένῳ μὲν ἐπιφθόνωσ ὑπὸ τῶν ἀφαιρουμένων, φέροντι δὲ τὴν ὕβριν ἐσ χάριν τοῦ στρατοῦ.

일치하는 문장이 없습니다.

SEARCH

MENU NAVIGATION