Appian, The Civil Wars, book 4, chapter 12 12:

(아피아노스, The Civil Wars, book 4, chapter 12 12:)

"Τροφαὶ δέ, ὃ δυσπορώτατόν ἐστι στρατοῖσ μεγάλοισ, ἐκείνοισ μὲν οὐκ εἰσί, πλὴν ἐκ μόνησ Μακεδονίασ, ἔθνουσ ὀρείου, καὶ Θεσσαλίασ, χώρασ βραχείασ· καὶ τάδε χρὴ κατὰ γῆν αὐτοῖσ φέρεσθαι κακοπαθοῦσιν. εἰ δ’ ἐκ Λιβύησ ἐπάγοιντο ἢ Λευκανίασ ἢ Ιἀπυγίασ, διακλείσουσι πάντα Πομπήιόσ τε καὶ Μοῦρκοσ καὶ Δομίτιοσ. ἡμῖν δὲ καὶ εἰσὶ καὶ φέρονται καθ’ ἑκάστην ἡμέραν ἀπόνωσ διὰ θαλάττησ ἔκ τε νήσων καὶ ἠπείρων ἁπασῶν, ὅσαι ἀπὸ Θρᾴκησ ἐπὶ ποταμὸν Εὐφράτην, καὶ τάδε ἀκωλύτωσ, οὐδενὸσ ἡμῖν ὄντοσ ὄπισθεν ἐχθροῦ· ὥστ’ ἐφ’ ἡμῖν ἔσται καὶ ταχύνειν τὸ ἔργον καὶ ἐπὶ σχολῆσ ἐκτρύχειν τοὺσ πολεμίουσ λιμῷ. τοσάδε μὲν ὑμῖν καὶ τοιάδε ἐστίν, ὦ συστρατιῶται, παρ’ ἀνθρωπίνησ φροντίδοσ ἕτοιμα· τὰ δὲ λοιπὰ αὐτοῖσ ἀνὰ λόγον ἀπαντήσειε παρά τε ὑμῶν καὶ παρὰ τῶν θεῶν. ἡμεῖσ δ’ ὑμῖν ἐπὶ τοῖσ προτέροισ ἀποδόντεσ ἅπαντα, ὅσα ὑπεσχήμεθα, καὶ τὴν πίστιν ὑμῶν ἀμειψάμενοι πλήθει δωρεῶν, ἀμειψόμεθα καὶ τὸ μεῖζον ἔργον ἀξίωσ αὐτοῦ κατὰ γνώμην θεῶν. καὶ νῦν δέ, ὅσον ἐσ προθυμίαν, ἰοῦσιν ἐπὶ τὸ ἔργον ἤδη, συνόδου τῆσδε καὶ λόγων τῶνδε ἕνεκα, ἐπιδώσομεν εὐθὺσ ἀπὸ τοῦδε τοῦ βήματοσ στρατιώτῃ μὲν χιλίασ καὶ πεντακοσίασ δραχμὰσ Ἰταλικάσ, λοχαγῷ δὲ πενταπλάσιον καὶ χιλιάρχῃ δὲ τὸ ἀνάλογον.

일치하는 문장이 없습니다.

SEARCH

MENU NAVIGATION