Appian, The Civil Wars, book 4, chapter 4 4:

(아피아노스, The Civil Wars, book 4, chapter 4 4:)

ἀπέτεμε δὲ καὶ τὴν χεῖρα, ᾗ τοὺσ κατὰ Ἀντωνίου λόγουσ οἱᾶ τυράννου συγγράφων, ἐσ μίμημα τῶν Δημοσθένουσ, Φιλιππικοὺσ ἐπέγραφεν. ἔθεον δὲ οἱ μὲν ἐπὶ ἵππων, οἱ δὲ ἐπὶ νεῶν, αὐτίκα τὸ εὐαγγέλιον Ἀντωνίῳ διαφέροντεσ· καὶ ὁ Λαίνασ ἐν ἀγορᾷ προκαθημένῳ τὴν κεφαλὴν καὶ τὴν χεῖρα μακρόθεν ἀνέσειεν ἐπιδεικνύσ. ὁ δὲ ἥσθη μάλιστα καὶ τὸν λοχαγὸν ἐστεφάνωσε καὶ πλέοσι τῶν ἄθλων ἐδωρήσατο πέντε καὶ εἴκοσι μυριάσιν Ἀττικῶν δραχμῶν ὡσ μέγιστον δὴ τόνδε πάντων ἐχθρὸν καὶ πολεμιώτατόν οἱ γενόμενον ἀνελόντα. ἡ κεφαλὴ δὲ τοῦ Κικέρωνοσ καὶ ἡ χεὶρ ἐν ἀγορᾷ τοῦ βήματοσ ἀπεκρέμαντο ἐπὶ πλεῖστον, ἔνθα πρότερον ὁ Κικέρων ἐδημηγόρει· καὶ πλείουσ ὀψόμενοι συνέθεον ἢ ἀκροώμενοι. λέγεται δὲ καὶ ἐπὶ τῆσ διαίτησ ὁ Ἀντώνιοσ τὴν κεφαλὴν τοῦ Κικέρωνοσ θέσθαι πρὸ τῆσ τραπέζησ, μέχρι κόρον ἔσχε τῆσ θέασ τοῦ κακοῦ. Ὧδε μὲν δὴ Κικέρων, ἐπί τε λόγοισ ἀοίδιμοσ ἐσ ἔτι νῦν ἀνήρ, καὶ ὅτε ἦρχε τὴν ὕπατον ἀρχήν, ἐσ τὰ μέγιστα τῇ πατρίδι γεγονὼσ χρήσιμοσ, ἀνῄρητο καὶ ἀνῃρημένοσ ἐνυβρίζετο· ὁ δὲ παῖσ ἐσ τὴν Ἑλλάδα προαπέσταλτο ἐσ Βροῦτον. Κόιντοσ δέ, ὁ τοῦ Κικέρωνοσ ἀδελφόσ, ἅμα τῷ παιδὶ καταληφθεὶσ ἐδεῖτο τῶν σφαγέων πρὸ τοῦ παιδὸσ αὑτὸν ἀνελεῖν· τὰ δὲ ἐναντία καὶ τοῦ παιδὸσ ἱκετεύοντοσ, οἱ σφαγεῖσ ἔφασαν ἀμφοτέροισ διαιτήσειν καὶ διαλαβόντεσ ἕτερον ἕτεροι κατὰ σύνθημα φονεῖσ ἀνεῖλον ὁμοῦ.

일치하는 문장이 없습니다.

SEARCH

MENU NAVIGATION