Appian, The Civil Wars, book 4, chapter 3 3:

(아피아노스, The Civil Wars, book 4, chapter 3 3:)

Ἰδέα τε πᾶσα κακῶν ἦν, οὐχ ὡσ ἐν στάσεσιν ἢ πολέμου καταλήψεσιν· οὐ γάρ, ὡσ ἐν ἐκείνοισ, τὸν μὲν ἀντιστασιώτην ἢ πολέμιον ἐδεδοίκεσαν, τοῖσ δ’ οἰκείοισ σφᾶσ ἐπέτρεπον, ἀλλὰ καὶ τούσδε τῶν σφαγέων μᾶλλον ἐδεδοίκεσαν, οὐδὲν μὲν αὐτοὺσ ὡσ ἐν πολέμῳ καὶ στάσει δεδιότασ, σφίσι δὲ αὐτίκα γιγνομένουσ ἐξ οἰκείων πολεμίουσ, ἢ δι’ ὕπουλον ἔχθραν ἢ ὑπὸ τῶν ἐπικεκηρυγμένων σφίσι γερῶν ἢ διὰ τὸν ἐν ταῖσ οἰκίαισ χρυσόν τε καὶ ἄργυρον. ἄπιστοσ γὰρ δὴ διὰ ταῦτα ἀθρόωσ ἕκαστοσ ἐσ τὸν οἰκεῖον ἐγίγνετο καὶ τὸ σφέτερον κέρδοσ τοῦ πρὸσ αὐτὸν ἐλέου προυτίθει· ὁ δὲ πιστὸσ ἢ εὔνουσ ἐδεδίει βοηθεῖν ἢ κρύπτειν ἢ συνειδέναι δι’ ὁμοιότητα τῶν ἐπιτιμίων. ἔσ τε τὸ ἔμπαλιν αὐτοῖσ τοῦ πρώτου τῶν ἑπτακαίδεκα ἀνδρῶν δέουσ περιέστη. τότε μὲν γὰρ οὐ προγραφέντοσ οὐδενόσ, ἀλλά τινων ἄφνω συλλαμβανομένων πάντεσ ἐδεδοίκεσαν ὅμοια καὶ συνήσπιζον ἀλλήλοισ· ἐπὶ δὲ ταῖσ προγραφαῖσ οἱ μὲν αὐτίκα πᾶσιν ἔκδοτοι γεγένηντο, οἱ δὲ ἐν ἀμερίμνῳ περὶ σφῶν καὶ ἐπὶ κέρδει γενόμενοι τοὺσ ἄλλουσ ἐπὶ μισθῷ τοῖσ σφαγεῦσιν ἐκυνηγέτουν. ὁ δὲ λοιπὸσ ὅμιλοσ, οἱ μὲν τὰσ οἰκίασ τῶν ἀναιρουμένων διήρπαζον, καὶ τὸ κέρδοσ αὐτοὺσ ἀπο τῆσ συνέσεωσ τῶν παρόντων κακῶν ἐψυχαγώγει· οἱ δὲ ἐμφρονέστεροί τε καὶ ἐπιεικεῖσ ἐτεθήπεσαν ὑπὸ ἐκπλήξεωσ, καὶ ἦν αὐτοῖσ παραλογώτερον, ὅτε μάλιστα ἐνθυμηθεῖεν, ὅτι τὰσ μὲν ἄλλασ πόλεισ ἐλυμήναντο στάσεισ καὶ περιέσωσαν ὁμόνοιαι, τὴν δὲ καὶ αἱ στάσεισ τῶν ἀρχόντων προαπώλεσαν καὶ ἡ ὁμόνοια τοιάδε ἐργάζεται.

일치하는 문장이 없습니다.

SEARCH

MENU NAVIGATION