Appian, The Civil Wars, book 2, chapter 11 11:

(아피아노스, The Civil Wars, book 2, chapter 11 11:)

Ἀπέθανον δὲ ἑκατέρων, τῶν γε Ἰταλῶν οὑ̓ γὰρ δὴ τῶν γε συμμάχων οὐδ’ ἐξαρίθμησισ ἐγένετο ὑπὸ πλήθουσ καὶ καταφρονήσεωσ̓ ἐκ μὲν τοῦ Καίσαροσ στρατοῦ τριάκοντα λοχαγοὶ καὶ ὁπλῖται διακόσιοι, ἤ, ὡσ ἑτέροισ δοκεῖ, χίλιοι καὶ διακόσιοι, ἐκ δὲ τῶν Πομπηίου βουλευταὶ μὲν δέκα, ὧν ἦν καὶ Λεύκιοσ Δομίτιοσ, ὁ αὐτῷ Καίσαρι πεμφθεὶσ ἐπὶ τὴν Γαλατίαν διάδοχοσ, τῶν δὲ καλουμένων ἱππέων ἀμφὶ τεσσαράκοντα τῶν ἐπιφανῶν· ἐκ δὲ τῆσ ἄλλησ στρατιᾶσ οἱ μὲν ἐπαίροντέσ φασι δισμυρίουσ ἐπὶ πεντακισχιλίοισ, Ἀσίνιοσ δὲ Πολλίων, ὑπὸ Καίσαρι τῇσ μάχησ ἐκείνησ στρατηγῶν, ἑξακισχιλίουσ ἀναγράφει νεκροὺσ εὑρεθῆναι τῶν Πομπηίου. Τοῦτο τέλοσ ἦν τῆσ ἀοιδίμου περὶ Φάρσαλον μάχησ. ἀριστεῖα δ’ ὁ μὲν Καῖσαρ αὐτὸσ καὶ πρῶτα καὶ δεύτερα ἐκ πάντων ἐφέρετο, ὁμολογούμενοσ ἀριστεῦσαι, καὶ σὺν αὐτῷ τὸ τέλοσ τὸ δέκατον· τὰ δὲ τρίτα Κρασσίνιοσ λοχαγόσ, ὃν Καῖσαρ μὲν ἐξιὼν ἐπὶ τὴν μάχην ἤρετο, ὅ τι προσδοκῴη, ὁ δὲ λαμπρῶσ ἀνεβόησε· "νικήσομεν, ὦ Καῖσαρ, κἀμὲ τήμερον ἢ ζῶντα ἢ νεκρὸν ἀποδέξῃ"· ἡ στρατιὰ δ’ ἐμαρτύρει καθάπερ ἔνθουν ἐσ ἑκάστην τάξιν μεταθέοντα πολλὰ καὶ λαμπρὰ δρᾶσαι. ἐπεὶ δὲ ζητούμενοσ ἐν τοῖσ νεκροῖσ εὑρέθη, τὰ ἀριστεῖα ὁ Καῖσαρ αὐτῷ περιέθηκε καὶ συνέθαψε καὶ τάφον ἐξαίρετον ἀνέστησεν ἐγγὺσ τοῦ πολυανδρίου.

일치하는 문장이 없습니다.

SEARCH

MENU NAVIGATION